Verið hjartanlega velkomin á Opnun / Lokun á einkasýningu ÚuVon „Ástand
skynjunnar / State of perception“ föstudaginn 21. febrúar kl. 17-19 í SÍM
salnum Hafnarstræti 16.
Sýningin opnaði óformlega í byrjun febrúar og var líkt og ómálaður strigi sem hefur tekið sífelldum breytingum og mótast í rými frelsis og leikhvatar á meðan á sýningartímanum stóð. Listakonan notaði rýmið til að vinna sýninguna sjálfa á sýningartímanum, innblásin af bréfum Schiller, í leik, samtölum og listrænu flæði.
Maðurinn leikur sér aðeins þegar hann er í orðsins fyllstu merkingu
manneskja og hann er aðeins að fullu manneskja þegar hann leikur sér.
(Um fagurfræðilegt uppeldi mannsins, bls. 160)
Bréf Freidrich Schiller Um fagurfræðilegt uppeldi mannsins fjalla meðal
annars um fegurð, skynjun, frelsi, leikinn og hin gagnstæðu öfl skynhvatar og formhvatar. Í bréfunum talar hann um afar áhugaverða hluti eins og að
leikhvötin, eða listræn reynsla, tengi manninn aftur við skynsemi og skynjun, og geti opnað augu manneskunnar fyrir fegurðinni og gert hana heila. Listin gegnir lykilhlutverki í skrifum Schiller fyrir þróun manneskjunnar í átt til heilbrigðis og frelsis.
https://www.uavon.org/
The post Opnun / Lokun á einkasýningu ÚuVon „Ástand skynjunnar / State of perception“ í SÍM salnum Hafnarstræti appeared first on sím.