(English below)

Safnanótt í Gerðarsafni
Pylsupartý, bíókvöld, sýningarstjóraspjall og teiknileikurinn KvikStik
Föstudag, 3. febrúar kl. 18-23

Safnanótt verður haldin föstudagskvöldið 3. febrúar en þá opna fjölmörg söfn á höfuðborgarsvæðinu dyr sínar og bjóða upp á skemmtilega og fjölbreytta dagskrá frá klukkan 18:00 til kl 23.00. Lögð verður áhersla á að bjóða upp á óhefðbundna viðburði þetta kvöld og í tilefni sýningarinnar NORMIÐ ER NÝ FRAMÚRSTEFNA verður hversdagleikinn í forgrunni í dagskrá Gerðarsafns á Safnanótt. Gestir eru hvattir til „láta eins og heima hjá sér“, hangsa með listaverkum, leika sér saman, borða mat og glápa á bíómyndir.

//

Museum Night in Gerðarsafn

Museum Night will be held Friday 3 February where museums offer an evening program for guests.
Teiknileikurinn KvikStrik fyrir alla
kl. 18 / kl. 19 / kl. 20

Teiknileikurinn KvikStrik fer fram í Stúdíói Gerðar þar sem við teiknum og höngsum með listaverkunum á safninu. Leikurinn hentar öllum – ungum sem öldnum. Boðið verður upp á teiknileikinn á heila tímanum kl. 18 / kl. 19 / kl. 20. Þá mun höfundur leiksins KvikStrik, myndlistarkonan Edda Mac, kynna leikinn fyrir gestum og hefja teiknileikinn í sýningunni NORMIÐ ER NÝ FRAMÚRSTEFNA.
_____________________________

Join us for the drawing game Quick Lines where we draw and hang out with the art works of the museum.
Sýningarstjóraspjall
kl. 21:00-22:00

Heiðar Kári Rannversson spjallar við gesti og gangandi um sýninguna NORMIÐ ER NÝ FRAMÚRSTEFNA, sem fjallar um það óvenjulega venjulega í íslenskri samtímalist. Á sýningunni eru verk ellefu listamanna sem eiga það sameiginlegt að vinna verk sem verða til úr efni og aðstæðum hversdagsins.
_____________________________

Heiðar Kári Rannversson talks with guests about the exhibition NORMALITY IS THE NEW AVANT-GARDE, which takes on the extraordinarily ordinary in Icelandic contemporary art.

Næntís bíó
kl. 18:00-23:00

Gerðarsafn og Bíó Paradís bjóða upp á „næntís“ kvikmyndadagskrá í tengslum við sýninguna NORMIÐ ER NÝ FRAMÚRSTEFNA. Popp og veigar eru seldar í Garðskálanum í Gerðarsafni.
18:00 Wayne’s World
20:00 Reality Bites
22:00 The Craft
_____________________________

Gerðarsafn and Bíó Paradís art-house cinema invite you to a nineties movie night at Gerðarsafn in relation to the exhibition NORMALITY IS THE NEW AVANT-GARDE.

Pylsupartý í Garðskálanum
kl. 18:00-23:00

Ægir og Íris í Garðskálanum eru með heimilislega stemmingu og bjóða upp á óvenjulegt úrval af pylsum í tilefni Safnanætur. Hamingjustund hefst kl. 17:00.
_____________________________

Ægir and Íris at Garðskálanum offer a menu of unusual hot dogs in honor of Museum Night.
DeCore (Doríon) í Kópavogskirkju
Föstudag, 3. febrúar kl. 18:30-23:00

Listaverki Doddu Maggýjar DeCore (Doríon), 2017 verður varpað á Kópavogskirkju og í kjölfarið verður friðarstund með tónlistarhópnum Umbru í kirkjunni en einnig leikur organisti Kópavogskirkju Lenka Matéova á orgelið.

Viðburðurinn markar upphaf söfnunarátaks vegna viðgerða á gluggum kirkjunnar en steint glerið er verk Gerðar Helgadóttur. Verkið er ný útgáfa af verkinu Doríon, sem unnið til heiðurs Gerði Helgadóttur fyrir sýninguna Birtingu 2015.
_____________________________

The artworks of Dodda Maggý will be projected onto the outer walls of Kópavogskirkja, followed by a peaceful performance by music group Umbra, accompanied by organist Lenka Matéova.

The post Safnanótt í Gerðarsafni Pylsupartý, bíókvöld, sýningarstjóraspjall og teiknileikurinn KvikStik appeared first on sím.

(english below)

Viðamikil dagskrá í Hafnarhúsi, á Kjarvalsstöðum og í Ásmundarsafni á Safnanótt. Opið er til kl. 23.00 í öllum húsunum og frítt inn á alla viðburði.

Hafnarhús
Hápunktur Safnanætur í Listasafninu er opnun sýningarinnar Panik eftir Ilmi Stefánsdóttur í A-sal Hafnarhússins kl. 20.00. Listakonan fremur gjörning við undirleik dúettsins Cyber klukkustund eftir að sýningin hefur verið opnuð. Til þess að loka kvöldinu skemmtir plötusnúðurinn Sura gestum frameftir kvöldi.

Ásmundarsafn
Í Ásmundarsafni fer myndlistarkonan Sara Riel fyrir fjölskyldusmiðju frá kl. 18.00 í tengslum við verk Ásmundar Sveinssonar og Þorvalds Skúlasonar á sýningunni Augans börn. Annar sýningarstjóri þeirrar sýningar, Viktor Pétur Hannesson, verður með leiðsögn fyrir gesti á hálftíma fresti frá kl. 18.30. Áhugafólk um arkitektúr ætti ekki að missa af leiðsögn Péturs Ármannssonar arkitekts, sem segir frá sögu og byggingarlist Ásmundarsafns kl. 21.30.

Kjarvalsstaðir
Á Kjarvalsstöðum verður gestum boðið upp á gagnvirka innsetningu eftir íslensk-portúgalska listhópinn @Change sem hefur það að markmiði að vekja safnagesti til umhugsunar um loftslagsbreytingar. Í hópnum eru meðal annarra listamaðurinn Curver Thoroddsen. Þegar líða fer á kvöldið, kl. 21.00 geta áhugasamir skráð sig í skoðunarferðir um það allra heilagasta, listaverkageymslurnar í kjallara Kjarvalsstaða. Starfsfólk Listasafns Reykjavíkur sýnir valin verk og segir frá.

Frá klukkan 18.00 verða örleiðsagnir um valin verk á sýningum í Hafnarhúsi og á Kjarvalsstöðum.

Auk stakra viðburða býðst gestum að skoða myndlistarsýningarnar í húsunum þremur:

Í Hafnarhúsi lýkur brátt sýningunni YOKO ONO: EIN SAGA ENN… frásagnir listakonunnar og fyrirmælaverk vekja áhorfendur til umhugsunar og þátttökuverkin gera ráð fyrir framlagi þeirra til listarinnar.
Hrina – vídeóverk úr safneign er viðamikið sýningarverkefni þar sem tekinn verður til sýninga stór hluti þeirra kviku myndverka sem til eru í safneign Listasafns Reykjavíkur. Titill sýningarinnar vísar til þess að verkin verða sýnd í fjórum hrinum og stendur hver þeirra yfir í um það bil einn mánuð.
Panik eftir Ilmi Stefánsdóttur verður opin frá kl. 20.00. Tólf myndbandsverk mynda eina heildarinnsetningu þar sem kona hamast við eitthvað órætt og nýtir til þess ýmis tæki og tól.
Á sýningunni Fantagóðir minjargripir í D-sal eftir Önnu Hrund Másdóttur má svo sjá hluti úr ýmiss konar landslagi sem Anna Hrund hefur tekið í sundur og endurraðað í uppstillingu af uppgötvunum úr raunveruleikanum.

Á Kjarvalsstöðum eru síðustu forvöð að sjá sýningu Hildar Bjarnadóttur, Vistkerfi lita, þar sem tekist er á við þörf mannsins fyrir að tilheyra ákveðnum stað í heiminum. Árið 2012 eignaðist Hildur landspildu í Flóahreppi. Sýningin hefur þennan stað sem útgangspunkt.
Í austursal eru valin verk Jóhannesar S. Kjarvals úr safneign Listasafns Reykjavíkur.

Í Ásmundarsafni stendur sýningin Augans börn þar sem sýnd eru verk Ásmundar Sveinssonar og Þorvalds Skúlasonar. Þeir voru í hópi þeirra listamanna sem stöðugt voru að tileinka sér ný viðhorf innan myndlistarinnar um miðja síðustu öld. Sýningin er samstarf Listasafns Reykjavíkur og Listasafns Háskóla Íslands.

Museum Night – Program at Reykjavík Art Museum
Friday, 3 February
18h00 Ásmundarsafn
Workshop for families guided by Artist Sara Riel in context
with the exhibition Children of the Eye.

18h00 Kjarvalsstaðir
Workshop and installation by the artgroup @Change
about climate change.
18h00-22h30 Hafnarhús
Ten minutes talk about selected works on view:
YOKO ONO: ONE MORE STORY…
Bout: Video Works from the Collection
D29 Anna Hrund Másdóttir: Fantastic Souvenirs
18h00-22h30 Hafnarhús
Ten minutes talk about selected works on view:
Kjarval – from collection
Hildur Bjarnadóttir: Ecosystem of Colors
18h30, 19h30 & 20h30 Ásmundarsafn
Curator Talk: Viktor Pétur Hannesson guides museum guests around
the exhibition Children of the Eye.
20h00 Hafnarhús
Exhibition opening in Gallery A
Ilmur Stefánsdóttir: Panik
21h00 Hafnarhús
Performance by Ilmur Stefánsdóttir and the band Cyber.
21h00 Kjarvalsstaðir
Tours to the storage and backrooms of the museum.
21h30 Ásmundarsafn
Guided tour on the history and architecture of the building
by Architect Pétur Ármannsson.
22h00 Hafnarhús
DJ SURA plays music for museum guests.

Nánari upplýsingar / Further Information
Áslaug Guðrúnardóttir
Kynningar- og markaðsstjóri / Communication & marketing manager
Tel. +354 411-6401 / aslaug.gudrunardottir@reykjavik.is

The post Dagskrá Listasafns Reykjavíkur á Safnanótt Föstudag 3. febrúar appeared first on sím.

Myndlistarsýning í SÍM salnum, Hafnarstræti 16, 101 Reykjavík.

Sari Maarit Cedegren opnar einkasýninguna TÍMAÁSAR, föstudaginn 3. febrúar kl. 19 – 23.

Sýningin er hluti af dagskrá Safnanætur á Vetrarhátíð Reykjavíkurborgar.

Sýningin verður opin til 21. febrúar nk.

Listakonan Sari Maarit Cedergren opnar sýninguna TÍMAÁSAR á safnanótt í SÍM salnum, Hafnarstræti.  Sari sækir efnivið fyrir myndbands- og ljósmyndaverk úr umhverfi sínu en viðfangsefnin eru tengd tíma, birtu og veðri.

Verkin eru unnin með tvenns konar tækni;  annars vegar kvikmyndatöku á svarthvíta Super 8 filmu, þar sem Sari framkallar sjálf filmurnar með tilraunakenndum vistvænum aðferðum svo sem með caffenol, edik og þvottasóda. Hins vegar notar hún einskonar camera obscura ljósmyndatækni þ.e. heimatilbúnar kassamyndavélar sem Sari framleiðir úr endurunnu efni, til að taka svarthvítar ljósmyndir.

Áhorfendur fá einstakt tækifæri til að upplifa íslenska samtíma myndlist þar sem hreyfing ljóssins er sett fram í formi ljósmynda og kvikmynda. Þannig vill Sari ná fram nýrri  upplifun á umhverfið með frumstæðri tækni og tólum. Á sýningunni teflir hún einnig fram teikningum með sömu efnistökum.

Á safnanótt verður Sari viðstödd og spilar Super 8 filmurnar á sýningarvél.

Sari hefur á ferli sínum á undanförnum árum haldið einkasýningar í Kaapelin Galleria í Helsinki, Norræna Húsinu í Reykjavík, Slunkaríki á Ísafirði, Listasafni ASÍ og Hafnarborg, menningar og listastofnun Hafnarfjarðar. Sari hefur einnig tekið þátt í ýmsumVideó- og kvikmyndahátíðum á vegum 700IS Hreindýraland í Reykjavík, Hong Kong, Papa Westray, Orkney og Berlin og ýmsum samsýningum hérlendis.

Viðburðurinn á Facebook.

https://vimeo.com/saricedergren

http://sari.internet.is/

The post Sari Maarit Cedegren opnar sýninguna TÍMAÁSAR í SÍM salnum appeared first on sím.

Muggur er tengslasjóður sem Menningarmálanefnd Reykjavíkur, SÍM og Myndstef stofnuðu árið 2004 og er SÍM umsjónaraðili sjóðsins.

Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma.

Umsóknarfrestur fyrir Mugg er 1. febrúar 2017 vegna verkefna sem hefjast á tímabilinu tímabilinu 1. mars – 31. ágúst 2017.

Athugið að einungis er tekið við rafrænum umsóknum á sim@sim.is

Umsóknarfrestur er til miðnættis 1. febrúar.

Veittir eru styrkir til dvalar erlendis vegna:
– myndlistarsýningar
– vinnustofudvalar / þátttöku í verkstæði
– annars myndlistarverkefnis

Skilyrði er að verkefnið sé sýnilegt og að það geti að mati sjóðsstjórnar styrkt ímynd Reykjavíkur sem uppsprettu fyrir öflugt og framsækið myndlistarlíf.

Við bendum félagsmönnum á að hægt er að sækja um Muggs styrk fyrir dvöl í gestavinnustofum SÍM í Berlín.

Til að geta fengið úthlutun úr dvalarsjóði Muggs þarf umsækjandi að vera fullgildur skuldlaus félagi í SÍM og leggja fram tilskilin gögn er staðfesti boð um þátttöku í myndlistarviðburði eða úthlutun á aðstöðu til vinnu við myndlist. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.

Vinsamlega athugið að dvalarstyrkir eru eingöngu veittir til einstaklinga.

Þeir sem þegar hafa fengið úthlutað styrk úr dvalarsjóði Muggs eða ferðasjóði Muggs þurfa að skila greinagerð áður en sótt er um aftur.

Umsóknum skal fylgja ítarleg og greinargóð lýsing á verkefninu, upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni. Einnig skal fylgja staðfesting ábyrgðarmanns verkefnisins í því landi sem það fer fram í, þ.e. sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.

Styrkþegar undirgangast skuldbindingar gagnvart sjóðnum samkvæmt sérstökum samningum sem gerðir verða í kjölfar úthlutunar og kveður m.a. á um að styrkþegum beri að skila stuttri greinargerð um notkun styrksins.

Mikilvægt er að hafa umsóknina vandaða, skýra og hnitmiðaða. Lesa reglur og leiðbeiningar vel.

Umsóknareyðublað, stofnskrá og reglur um úthlutun má finna hér á heimasíðu SÍM.

Nánari upplýsingar um Mugg eru einnig veittar á skrifstofu SÍM, sim@sim.is, s. 551 1346

The post Muggur auglýsir eftir umsóknum appeared first on sím.

Næstkomandi laugardag 4. febrúar kl. 16.00, opnar önnur einkasýning á verkum Magnúsar Kjartanssonar (1949-2006) í Hverfisgalleríi.

Á sýningunni Ég var hér eru sýnd pappírsverk og skúlptúrar eftir Magnús sem unnin eru á tímabilinu 1982 til 1990. Eins og fram kemur í sýningarskrá vann Magnús sig á þessum árum frá hinni vitsmunalegu hugmyndafræði módernismans aftur í einhvers konar expressjónisma þar sem frumstæð form, iðandi litir og djúpstæðar tilfinningar ráða för. Árið 1982 umbreytti Magnús bæði lífi sínu og myndlist. Þetta skeið í stormasamri ævi Magnúsar var tímabil umbreytinga. Þessu fylgdu líka mikil umbrot í myndlistinni og verkin bera þess vitni. Um leið og Magnús gekk nær sjálfum sér í myndefninu varð vinnan við myndirnar líkamlegri og handaför, jafnvel fótaför, birtast á myndunum eins og dansað hafi verið á þeim. Við finnum nálægð hans í myndunum á svipaðan hátt og við skynjum nærveru steinaldarmanna sem skildu lófaför sín eftir á hellisveggjum. Handarförin mynda þannig nýtt lag, mynd ofan á mynd, sem stundum kallast á við neðra lagið en þekur það stundum nær alveg. Verk Magnúar sem birtast á sýningunni Ég var hér eru mun persónulegri en flest af því sem hann skapaði og í þeim teflir hann fram eigin lífi og minningum saman við tákn sem flest vísa á uppgjör, kreppu og vissa lífsangist, líkt og fangað er í skúlptúrnum Innilokun (1990).

Magnús Kjartansson (1949-2006) var meðal þeirra listamanna, sem brúuðu bilið milli formrænnar myndlistar eftirstríðsáranna – bæði óhlutbundinnar og fígúratívrar – og póstmódernískrar listar á 9. og 10. áratug liðinnar aldar. Magnús var einn af stofnendum Nýlistasafnsins undir lok 8. áratugarins og tók að auki virkan þátt í sýningarhaldi félaga sinna á hinum ýmsu sýningarstöðum, innanlands og utan. Eftir nám við Myndlista- og handíðaskóla Íslands stundaði Magnús framhaldsnám við Konunglegu listaakademíuna í Kaupmannahöfn á árunum 1972 til 1975, undir handleiðslu Richards Mortensen, eins þekktasta abstraktmálara Dana. Magnús var með kunnustu listamönnum landsins og hróður hans barst víða, meðal annars til Spánar, þar sem verk hans vöktu ómælda athygli og aðdáun. Árið 2014 var haldin stór yfirlitssýning á verkum Magnúsar í Listasafni Íslands sem nefndist Háspenna lífshætta. Verk hans hafa verið notuð á nærri 50 samsýningum víðs vegar á Íslandi og Evrópu. Listaverk Magnúsar eru m.a. í eigu Listasafns Íslands, Listasafns Reykjavíkur, sænsku Nóbelsakademíunnar í Stokkhólmi, Gerðarsafns, Arion banka, Íslandsbanka og Landsbankans.

The post Sýningaropnun í Hverfisgalleríi: Ég var hér – Magnús Kjartansson (1949-2006) appeared first on sím.

Herzliche Einladung zur Ausstellungseröffnung

Liebe Freunde der Kunst,
SILLER CONTEMPORARY und INTERPOL+ STUDIOS freuen sich im Rahmen des INTO ICELAND FESTIVALS die erste Einzelausstellung des international erfolgreichen isländischen Künstlers Húbert Nói Jóhannesson im deutschsprachigen Raum zu präsentieren.

Seine Bilder beeindrucken augenblicklich und emotional. Húbert Nói Jóhannesson bringt durch eine ungewöhnlich kräftige Farbigkeit
das besondere Licht Islands zum Strahlen. Jedes Gemälde trägt dieses helle Leuchten, umgeben von intensiven blauen Farbtönen.
Diese lassen die Arbeiten dunkler werden und können den Betrachter in einen Dämmerzustand bringen. Das Licht gibt dem Ganzen eine versöhnliche Freundlichkeit zurück.

Húbert Nói Jóhannessons Werk als Ganzes kann als eine Metapher für das menschliche Innenleben betrachtet werden, welches Standorte und Pfade kartographiert, und als solches alte religiöse und philosophische Systeme in Erinnerung ruft.

Nach dem zweiten der sieben hermetischen Prinzipien (Alchemie, Hermetik) – das Prinzip der Entsprechung:

“Wie oben, so unten,
wie es im Himmel ist und auf der Erde.”
“Wie innen, so außen.”
Vernissage
09. Februar 2017
19.30 – 22.30 Uhr

Ausstellung
10. Februar – 15. März 2017
Montag bis Freitag von 10 – 18 Uhr
Termin nach Absprache!

LÄNGENGRAD 10 KUNSTRAUM
Ballindamm 9, 20095 Hamburg
www.laengengrad10.com

Ansprechpartner:
Karolin Siller
karolin@siller-contemporary.com
www.siller-contemporary.com
Mobil: +49 172 4092613

Húbert Nói Jóhannesson observes in his works locations, memory, movement and stillness.

In The Icelandic Art Academy Húbert Nói Jóhannesson observed spatial geometry, locations in and around Reykjavik drawn and painted from memory.

Mr. Jóhannesson conciously observes the process of moving a place, location, into the inner realm and projecting it out as an art object, which then becomes a part of the outside realm.

Early works showing his own and friends homes drawn from memory are located by street name and number.
Later works show locations indicated with coordinates,originally a celestial navigation of longitude and lattitude. An approach that transforms what seems a traditional landscape painting into spatial geometry, painted from memory.

The exhibition space has been Jóhannesson’s subject and motive since 1985 and site specific paintings from the museum interior continuo in his body of works. In the site specific works the observers memory gets involved in the comparison of the motive and replica the inner and outer and during that still process the movable element of the mind emerges, questioning if the concious makes the move or if concious is the movement itself.

In movies of geothermal steam on drillsites Húbert Nói Jóhannesson bring to the surface and puts to the attention circumstances and elements taking place kilometers under the surface.

Húbert Nói Jóhannessons works as whole can be seen as a metaphore for the human interior, mapping locations and paths within, and as such reverberate ancient religious and philosophical systems.

The post Húbert Nói Jóhannesson. Siller-Contemporary. Hamborg Germany. appeared first on sím.

References to the macrocosms and microcosms of the natural world abound in the woven paintings of Hildur Ásgeirsdóttir Jónsson. Painting on silk threads in a process related to ikat, her imagery is loosely based on landscape photographs of her native Iceland. The sources are often close-up images of lichen, but they also abstractly allude to larger swaths of land and sky. By painting with industrial dyes on the detached warp (vertical) threads of her works, attaching these dyed threads to a large-scale loom and weaving in the weft (horizontal) threads, she creates slightly off register, shimmering woven paintings that suggest expansive space rather than any literal sense of place.

Jonsson has received numerous grants, commissions and awards including The Louis Comfort Tiffany Foundation 2015 Award, the Cleveland Art Prize in 2008, four fellowships from the Ohio Arts Council and a public commission from the Hilton Hotel Convention Center, Cleveland in 2016. Her work is included in many collections such as The Cleveland Art Museum, Reykjavik Art Museum, Akron Art Museum, Progressive Insurance Collection and Cleveland Clinic Foundation. Solo shows include Tibor De Nagy Gallery, New York; TANG Museum, Saratoga, New York; Reykjavik Art Museum, Iceland; and MOCA Cleveland. She was also included in the 2015 group exhibition, Pretty Raw: After and Around Helen Frankenthaler at the Rose Art Museum at Brandeis University.

Hildur Ásgeirsdóttir Jónsson was born in Reykjavik, Iceland in 1963 and still maintains a home there. She resides in Cleveland, Ohio for much of the year and makes annual visits to Iceland to gather more source material for her paintings. She received MFA and BFA degrees from Kent State University in 1995 and 1991 respectively. She earlier studied at the Cleveland Institute of Art and the architecture program of Kent State University.

The post Hildur Ásgeirsdóttir Jónsson @ Carl Solway Gallery appeared first on sím.

Hönnunarsjóður minnir á að enn er opið fyrir umsóknir um ferðastyrki. Þetta er fyrsta úthlutun af fjórum í ár, en frestur til þess að sækja um ferðastyrk rennur út á miðnætti þann 9. febrúar. Hver ferðastyrkur nemur 100.000 krónum, nánar hér. Opnað verður fyrir almennar umsóknir þann 7. mars.

Dagsetningar Hönnunarsjóðs fyrir 2017 eru:
1. úthlutun – Ferðastyrkir
Opnar 17. desember | Lokar 9. febrúar | Úthlutun 2. mars

2. úthlutun – Stór úthlutun
Opnar 7.mars | Lokar 11. apríl | Úthlutun 18. maí

3. úthlutun – Ferðastyrkir
Opnar 8. júní | Lokar 24. ágúst | Úthlutun 7. September

4. úthlutun – Stór úthlutun
Opnar 29. ágúst | Lokar 5. október | Úthlutun 16. nóvember
Nánar hér!

Rafrænt umsóknareyðublað er að finna á sjodur.honnunarmidstod.is

The post Hönnunarsjóður auglýsir eftir umsóknum appeared first on sím.

Opið verður frá kl. 18 til 23 í öllum söfnum. Verið velkomin!

Listasafn Íslands, Fríkirkjuvegi 7
Kl. 20.00 leiðsögn um sýninguna Valtýr Pétursson.
Dagný Heiðdal, sýningarstjóri og deildarstjóri listaverkardeildar, leiðir gesti um sýninguna. Tilvalið tækifæri til að kynnast þessum áhrifamikla listamanni.
NÁNAR

Kl. 20.45 Listamaðurinn Ina Otzko verður með kynningu á verkum sínum fyrir framan
Vasulka-stofu.
NÁNAR

Kl. 21.15 Næturljóð að kvöldi. Hvíld við kvöldtóna.
Flytjendur munu bjóða gestum og gangandi upp á íslenskar vögguvísur í bland við erlend kvöldljóð í safninu.
NÁNAR
Listasafn Sigurjóns Ólafssonar, Laugarnestanga 70

Kl. 20:30 og kl. 21.30 Tónleikar Dúó Landon. Á gömlum merg.
Dúó Landon leikur tónlist þriggja alda í Listasafni Sigurjóns á safnanótt. Elstu verkin eru frá 17. öld, en það yngsta frá liðnu ári.
Safnanætur-strætó, leið C ekur að Listasafni Sigurjóns Ólafssonar.
NÁNAR

Safn Ásgríms Jónssonar, Bergstaðastræti 74

Kl. 19:00-23:00 Kveikjan og frásögnin – Eldgosamyndir Ásgríms Jónssonar.
Rakel Pétursdóttir sýningarstjóri sýningarinnar Ógnvekjandi náttúra ræðir við gesti um tilurð og kveikjur eldgosamynda Ásgríms Jónssonar. Heitt á könnunni.

Nánari upplýsingar hér

http://www.listasafn.is/frettir/nr/896

The post Safnanótt í Listasafni Íslands – Fjölbreytt og skemmtileg dagskrá fyrir alla fjölskylduna appeared first on sím.

Á Vetrarhátíð kynnir félagið Íslensk grafík árvisst listamann Grafíkvina og stendur fyrir sýningu og útgáfu á verki sem unnið er sérstaklega fyrir það tilefni.

Velkomin á opnun á Safnanótt klukkan 18 og þiggja léttar veitingar.
Opið til klukkan 23 og laugardag og sunnudag frá 14-18.

Listamaður grafíkvina 2017 er Iréne Jensen og í salnum er sýning með verkum hennar sem unnin eru á undanförnum árum. Iréne er áhugafólki um myndlist að góðu kunn. Hún hefur verið ötul á íslenskum myndlistarvettvagni en einnig lagt félagsstörfum íslenskrar grafíkur drjúgan skerf. Verk hennar bera sterk höfundareinkenni en viðfangsefni Iréne er manneskjan í mismunandi umhverfi og tima, oftast á leiðinni til að finna eitthvað “nýtt og áhugavert” og lika finna ró innra með sér. Þemað er: Gangur lífsins.

Iréne stundaði myndlistarnám í heimalandi sínu Svíþjóð og á Íslandi
Hún hefur eingöngu unnið að myndlist síðan, aðallega í grafík og hefur unnið ötullega að félagsstörfum í félaginu Íslensk grafík. Iréne hefur haldið 13 einkasýningar og tekið þátt í fjölmörgum samsýningum viða um heim.

Please join us for an exhibition and a printmaking edition of Iréne Jensen’s work who is Printmakers friends selected artist 2017. An accomplished printmaker and artist, Iréne is from Sweden but has worked and studied in Iceland over a decade. Her work deals with the human condition that seeks new, interesting things but also „Lifes path“. The exhibition is open friday 6-11pm with light refreshments and saturday and sunday from 2-6pm.

The post Vetrarhátíð í hjá Grafíkfélaginu appeared first on sím.

The post Ina Otzko í Vasulka-stofu á Safnanótt klukkan 20:45. appeared first on sím.

Leiðsagnir og sýningalok
Sunnudag 5. febrúar kl. 15 í Hafnarhúsi
og á Kjarvalsstöðum
Nú eru síðustu forvöð að sjá sýningarnar YOKO ONO: EIN SAGA ENN… í Hafnarhúsi og Vistkerfi lita eftir Hildi Bjarnadóttur á Kjarvalsstöðum en þeim lýkur báðum sunnudaginn 5. febrúar. Sama dag verða leiðsagnir á báðar sýningarnar kl. 15.00.

Sýningin YOKO ONO: EIN SAGA ENN… hefur notið gríðarlegra vinsælda þann tíma sem hún hefur verið uppi. Sýningin höfðar til allra aldurshópa og gestum gefst kostur á þátttöku í skapandi verkefnum. Yoko Ono hefur jafnframt fengið aðra listamenn til þátttöku í sýningunni að ógleymdum öllum þeim fjölda kvenna sem hafa sent vitnisburði sína um ofbeldi á sýninguna.

Á sýningunni Vistkerfi lita tekst Hildur á við þörf mannsins fyrir að tilheyra ákveðnum stað í heiminum. Ofin veggverk og stórir litaðir silkidúkar yfirtaka annan sýningarsal Kjarvalsstaða og skapa samhengi hugmynda Hildar. Verkin eiga sér rætur í sköpunarferli sem byggir á landinu og þeim gróðri sem upp af því vex.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

The post Leiðsagnir og sýningalok, sunnudag 5. febrúar kl. 15 í Hafnarhúsi og á Kjarvalsstöðum appeared first on sím.

Mánudaginn 13. febrúar, frá kl. 12.10- 12.50, verður Halldóra Arnardóttir með opinn hádegisfyrirlestur í Laugarnesi á vegum Listkennsludeildar LHÍ.

Hvaða eiginleika hefur listin sem hugsanlega gæti komið einstaklingum með Alzheimer að gagni?

Til að svara þeirri spurningu verður fjallað um verkefnið Listir og menning sem meðferð við Alzheimer í gegnum myndlist, bókmenntir, leiklist og kökugerð. Í listum eru skynfærin notuð til að túlka og vinna með veruleikann.

Einstaklingur með Alzheimer þarf ekki að vera listamaður til þess að skilja tjáningaformið. Fyrir hann er listin leið til að tengjast lífinu. Hún hjálpar honum að finna sjálfan sig í tengslum við aðra, við umhverfið og atburðina sem eiga stað í kringum hann. Hér mega því listir sameinast vísindum í átakinu um að bæta lífsgæði þeirra sem þjást að sjúkdómnum og aðstandenda þeirra.

Halldóra Arnardóttir er listfræðingur (BA.Hons) frá University of Essex, England, 1990. Lauk meistaraprófi í nútímabyggingarlistasögu frá Bartlett School of Architecture, UCL í London, árið 1992 og doktorsprófi árið 1999. Sjálfstætt starfandi listfræðingur á Íslandi og á Spáni, auk þess gestakennari og fyrirlesari víða í Evrópu, Bandaríkjunum og Kanada.

Halldóra stofnaði verkefnið Listir og menning sem meðferð við Alzheimers sjúkdómnum árið 2008 í Murcia á Spáni í samvinnu við Héraðssjúkarhúsið Virgen de la Arrixaca og hefur unnið hér á landi með Minnismóttöku Landspítalans.

Hafa listamenn á borð við Paco Torreblanca kökumeistara, Bill Viola vídeólistamann, Chelete Monereo, myndlistamaður og Þórarinn Eldjárn rithöfundur unnið í smiðjum verkefnisins. Halldóra hefur haldið fyrirlestra víða um verkefnið, m.a. í MoMA og Metropolitan of Art í New York, Carleton University í Ottowa og The National College of Art & Design, Dublin.

Helstu bókverk: Sögur húsanna / Historias de Casas (2001-2008), sjónvarpsþáttur um Manfreð Vilhjálmsson fyrir Ríkissjónvarpinu (2004), þáttaraðir í Ríkisútvarpinu um hönnun og arkitektúr (2005-2007), ‘Innanstokksmunir. Samspil húsbúnaðar og híbýla’ í Hlutavelta tímans. Menningararfur á þjóðminjasafni (2004), Manfreð Vilhjálmsson arkitekt. (með Pétri H. Ármannssyni 2009), Kristín Guðmundsdóttir híbýlafræðingur/interior designer (2015).

Aðgangur ókeypis og öll velkomin.

The post Hvaða eiginleika hefur listin sem hugsanlega gæti komið einstaklingum með Alzheimer að gagni? appeared first on sím.

Ný sýning Duo-systra opnar í Listasafni Reykjanesbæjar föstudaginn 10.febrúar kl. 18.00

Úlfatími

„Tíminn milli nætur og dagrenningar. Tíminn þegar flestir deyja, þegar svefninn er hvað dýpstur og martraðir raunverulegastar. Þá sækir mestur ótti að þeim sem ekki geta sofið, og bæði draugar og drýsildjöflar fara mikinn. Flest börn fæðast einnig á Úlfatíma.“

Þessi orð sænska kvikmyndaleikstjórans Ingmar Bergmann  urðu systrunum Söru og Svanhildi Vilbergsdætrum kveikjan að nýjustu verkum sínum sem sjá má á sýningu Listasafns Reykjanesbæjar sem ber einmitt heitið Úlfatími.  Þær systur eru þekktar fyrir litskrúðug verk sín sem segja endalausar sögur, bæði þessa heims og annars og nú bregður við nýjum tóni sem ekki hefur sést áður.  Sara og Svanhildur mála sem fyrr saman, sömu verkin og á sýningunni Úlfatími má sjá 20 olíuverk sem flest eru ný og hafa ekki sést áður. Sýningin stendur til 23. apríl og verða þær systur með leiðsögn sunnudaginn 12.mars kl. 15.00. Sýningarstjóri er Aðalsteinn Ingólfsson.

Listasafn Reykjanesbæjar er staðsett í Duus Safnahúsum og er opið alla daga frá 12.00-17.00.

Nánari upplýsingar veitir Valgerður Guðmundsdóttir, forstöðumaður Listasafns Reykjanesbæjar

sími:864-9190, valgerdur.gudmundsdottir@reykjanesbaer.is

The post ÚLFATÍMI í Listasafni Reykjanesbæjar appeared first on sím.

The post Steingrímur Gauti – STUND í Sal íslenskrar grafíkur appeared first on sím.

„BERT Á MILLI“
Opnun: 10. febrúar kl. 20.00 í Harbinger.

Æ komið þið nú öll blessuð og sæl og verið velkomin á fyrstu sýningu sýningaraðarinnar ‘Eitt Sett’ sem ber titilinn „Bert á milli”. Hér mætast ungtréð Jóhanna Kristbjörg Sigurðardóttir & eikartréð Guðjón Ketilsson og vefa saman greinum sínum svo úr verði bragðgóð heild sem minnir á súkkulaðistykkið gamalgróna Eitt sett. Það er einmitt hugmynd sýningarraðarinnar að stefna saman tveimur myndlistarmönnum sem eru komnir mislangt á ferli sínum í þeirri von að það opni fyrir rás næringarefna sem fljóti óheft á milli. Undir blámanum sýslast Guðjón & Jóhanna innan um láréttar og lóðréttar línur. Geómetrísk form mynda leikvöll samskipta þar sem vonir og væntingar brjótast út í frjóum málrómi, kinnroða og glitrandi augnaráði. Úti fyrir liðast hafið í ærslafullum dansi. Himininn opnar upp endaleysurnar af sinni stóísku ró og í fjarskanum standa fjöllin ber á milli.

Sýningin stendur til 4. mars 2017.

Sýningarstjórar: Unndór Egill Jónsson & Una Margrét Árnadóttir

-Sýningarröðin „Eitt sett“ samanstendur af fjórum sýningum í Harbinger á árinu 2017. Sýningarröðin er styrkt af Myndlistarsjóði.
_____________________

„BARE BETWEEN“
Opening: 10th February at 8pm in Harbinger.

Hello there and welcome to the first exhibition in the series “One set” titled “Bare Between”. Here the sapling Jóhanna Kristbjörg Sigurðardóttir & the oak tree Guðjón Ketilsson weave together their branches and create a delicious combination similar to the deeply-rooted chocolate bar “Eitt sett”. The idea behind this series is precisely to bring together two artists with different sets of experience in hope of opening up a channel for nutrients to float freely between them. Under the great blue dome, Guðjón & Jóhanna tinker between horizontal and vertical lines. Geometric shapes form a playground of communication where expectations and hopes burst out in a fertile tone, rosy cheeks and sparkling gazes. Around them the sea meanders in a zestful dance. The sky opens up the endlessness by its stoic calmness and in the distance the mountains stand bare between.

The exhibition is open until March 4th 2017.

Curators: Unndór Egill Jónsson & Una Margrét Árnadóttir

-The exhibition series „One set“ includes four exhibitions in Harbinger in the year 2017. The exhibition series is supported by the Icelandic Visual Arts Fund.

The post „BERT Á MILLI“ í Harbinger appeared first on sím.

The post Stillur Módelteikningar Dereks Mundell í Listhúsi Ófeigs appeared first on sím.

Fimmtudaginn 9. febrúar kl. 12.15-12.45 verður boðið upp á leiðsögn í Listasafninu á Akureyri, Ketilhúsi um yfirlitssýningu á verkum Nínu Tryggvadóttur, Litir, form og fólk, og sýningu Georgs Óskars Fjögur ár. Heiða Björk Vilhjálmsdóttir, fræðslufulltrúi, og Georg Óskar taka á móti gestum og fræða þá um sýningarnar og einstaka verk. Aðgangur er ókeypis.

Nína Tryggvadóttir (1913-1968) var meðal frjóustu og framsæknustu myndlistarmanna sinnar kynslóðar og þátttakandi í formbyltingunni í íslenskri myndlist á 5. og 6. áratugnum. Hún nam myndlist í Kaupmannahöfn og New York og bjó auk þess í París, Lundúnum og Reykjavík. Nína vann aðallega með olíu á striga en hún er einnig þekkt fyrir pappírsverk, verk úr steindu gleri, mósaíkverk og barnabækur. Hún var einn af brautryðjendum ljóðrænnar abstraktlistar. Sýningin Litir, form og fólk er unnin í samvinnu við Listasafn Íslands, en í safneign þess eru um 80 verk eftir Nínu frá tímabilinu 1938–1967. Hún er að hluta byggð á sýningunni Ljóðvarp sem sett var upp í Listasafni Íslands 2015, en í tengslum við þá sýningu kom út vegleg bók um Nínu. Bókina prýðir fjöldi ljósmynda af verkum hennar auk greina og viðtala á íslensku og ensku.

Á sýningunni Fjögur ár má sjá valin verk úr smiðju Georgs Óskars (f. 1985) frá 2013 til 2016. „Yfirlitssýningar listamanna eru gjarnan stórar í sniðum og innihalda mikið úrval verka sem unnin eru á löngu tímabili. Mér fannst skemmtileg hugmynd að setja núna upp yfirlitssýningu sem spannar aðeins fjögur ár af þeim tólf sem ég hef unnið markvisst að eigin myndlist. Mig langar allavega að sjá eina yfirlitssýningu með verkum mínum, því satt að segja hef ég ekki hugmynd um hvort ég verði vitni að þeirri næstu.“

Georg Óskar útskrifaðist frá Myndlistaskólanum á Akureyri 2009 og lauk mastersnámi í myndlist við Kunst- og designhøgskolen í Bergen í Noregi 2016. Hann hefur haldið ellefu einkasýningar og tekið þátt í fimm samsýningum.

The post Listasafnið á Akureyri, Ketilhús: Leiðsögn um yfirlitssýningar Nínu Tryggvadóttur og Georgs Óskars appeared first on sím.

Laugardaginn 11. febrúar kl. 15 opnar Alana LaPoint sýninguna Töfruð djúp / Conjured Depths í Listasafninu á Akureyri, Ketilhúsi. LaPoint er að mestu leyti sjálfmenntaður listamaður sem hefur haldið fjölmargar einkasýningar og tekið þátt í samsýningum á heimaslóðum sínum í Vermont í Bandaríkjunum á síðustu tíu árum. Alana vann undir leiðsögn abstraktmálarans Galen Cheney 2007-2009.

„Þetta landslag sem má sjá á sýningunni varð til vegna löngunar til að tjá þá hrifningu sem ég upplifi þegar ég stend í fjöruborðinu,“ segir LaPoint. „Frá því sjónarhorni er ég ákaflega meðvituð um samtengingu alheimsins. Um ímyndunarafl mitt leika lausum hala sögur af fólki og lífverum sem lifa og deyja í þessu vatni og fylla mig bæði af tilfinningu fyrir smæð minni, og óviðjafnanlegri friðsæld. Ég reyni að miðla skynhrifunum gegnum þessi málverk og gera þau aðgengileg áhorfendum. Efni til listsköpunar, ein og sér, veita mér mikinn innblástur því möguleikarnir eru svo margir. Linnulaust kanna ég eiginleika litarefna og málningar og elti uppi nýjar aðferðir og tækni. Þessi óseðjandi forvitni og fróðleiksfýsn veitir mér innblástur, jafn takmarkalausan og hafið.“

Sýningin stendur til 26. febrúar og er opin þriðjudaga til sunnudaga kl. 12-17. Leiðsögn um sýningar Listasafnsins er á fimmtudögum kl. 12.15-12.45. Aðgangur er ókeypis.

The post Listasafnið á Akureyri, Ketilhús: Alana LaPoint – Töfruð djúp / Conjured Depths, opnun laugardaginn 11. febrúar kl. 15 appeared first on sím.

Föstudaginn 10. febrúar kl. 13 mun Anna Hrund Másdóttir halda opinn fyrirlestur í fyrirlestrarsal myndlistardeildar að Laugarnesvegi 91.

Anna Hrund leitar að listinni í sínu nánasta umhverfi og gerir tilraun til að sameina undirmeðvitund og íhugun við raunverulega hluti. Anna Hrund finnur hluti úr ýmis konar landslagi, geymir þá og flytur milli heimila og heimsálfa. Hún tekur þá í sundur og endurraðar, og færir okkur vönd – uppstilling af uppgötvunum úr raunveruleikanum.

Í erindi sínu ætlar Anna að fjalla um verk sín og feril, auk þess ætlar hún að segja frá hugmyndum sem liggja að baki sýningu hennar fantagóðir minjagripir sem stendur nú yfir í D-sal Hafnarhússins, Listasafni Reykjavíkur.

Anna Hrund Másdóttir (f. 1981) býr og starfar í Los Angeles og Reykjavík. Hún lærði myndlist við Listaháskóla Íslands, Mountain School of Art og lauk MFA námi frá California Institute of the Arts vorið 2016. Áður en hún hóf myndlistarnám útskrifaðist hún úr stærðfræði við Háskóla Íslands. Auk þess að starfa sem myndlistamaður er Anna Hrund meðlimur í Kling & Bang. Anna hefur sýnt bæði á Íslandi og í Bandaríkjunum, og tekið þátt í myndlistarverkefnum beggja vegna Atlantshafsins.

Fyrirlesturinn fer fram á íslensku og er öllum opinn.

The post Opinn fyrirlestur í LHÍ: Anna Hrund Másdóttir appeared first on sím.