Í tilefni Listahátíðar verður opin vinnustofa hjá Arngunni Ýr nk. sunnudag þann 15. maí á milli kl. 15:00 og 17:00, að Lyngási 7-9 Garðabæ.
Bækurnar hennar verða á tilboðsverði og nýjar myndir unnar á sl. ári til sýnis.
Verið velkomin!
Arngunnur Ýr
The post Opin vinnustofa appeared first on sím.
Pétur Thomsen og Rúrí
Tvær nýjar sýningar opnaðar í Listasafni Árnesinga laugardaginn 14. maí kl. 14
Ólík verk þessara áhugaverðu listamanna eiga það sameiginlegt að fjalla m.a. um tímann. Þau fela líka í sér vangaveltur sem sóttar eru í viðfangsefni úr nærumhverfinu hér en eiga sér einnig víðari skírskotanir. Báðir listamennirnir eiga það líka sameiginlegt að vera þekktir fyrir að fjalla um samskipti manns og náttúru.
Við gerð verkanna á sýningunni Tíð / Hvörf notar Pétur stafræna ljósmyndavél og sýnir okkur á ljóðrænan hátt hvernig tíminn hefur sett mark sitt á lífið í kringum hann og breytingar í náttúrinni dag frá degi. Verk hans á sýningunni hafa ekki verið sýnd áður utan eitt og þau fjalla bæði um náttúruna sjálfa og smáatriðin sem við tökum sjaldan eftir í daglegu flæði tímans. Þau fjalla líka um inngrip mannsins í þessa sömu náttúru, hvernig maðurinn, meðvitað eða ómeðvitað, hefur áhrif á náttúruna eins og segir í texta Sigrúnar Ölbu Sigurðardóttu, menningarfræðings í sýningarskrá. Pétur nam listfræði, fornleifafræði og ljósmyndun í Frakklandi og hefur notið velgengni sem listamaður hérlendis og á alþjóðlegum vettvangi frá því hann lauk meistaragráðu í ljósmyndun árið 2004. Hann er búsettur á Sólheimum í Grímsnesi.
Verk Rúríar á sýningunni Tíma – Tal tengjast mörg útlistaverkinu Sólgátt sem sett verður upp í sumar við Sólheima í Grímsnesi þar sem viðfangsefnið er m.a. mæling tímans út frá gangi sólar. Verkin eru frá ýmsum tímum, nokkur þeirra hafa ekki verið sýnd áður hér á landi og önnur eru ný. Rúrí nam myndlist á Íslandi og Hollandi á árunum 1971-78 og er löngu þekkt bæði innanlans og á alþjóðlegum vettvangi fyrir útilistaverk sín s.s. Regnbogann við Leifsstöð, stórar innsetningar af margvislegum toga og hún var fulltrúi Íslands á Feneyjartvíæringnum 2003. Í sýningarskrá ritar Laufey Helgadóttir listfræðingur m.a. að þegar ferill Rúríar er skoðaður sést að hann er einn samhangandi heimur þar sem heimspekilegar vangaveltur, tími, afstæði, gildi og afstaða mannsins til alheimsins skiptir meginmáli. Þannig brýnir hún fyrir okkur að sýna ábyrgð gagnvart umhverfinu, vera meðvitaðri um hlutskipti okkar á jörðinni og hvernig við tökumst á við framtíðina. Verk hennar eiga erindi til okkar sem aldrei fyrr.
Sýningarnar Tíð / Hvörf og Tíma – Tal munu standa til og með 1. ágúst og á þeim tíma er safnið opið alla daga kl. 12 – 18. Aðgangur að safninu er ókeypis og allir velkomnir – líka á opnun sýninganna.
The post Sýningarnar Tíð / Hvörf og Tíma – Tal appeared first on sím.
Harbinger býður ykkur hjartanlega velkomin á opnun Chöndru Sen á sýningunni Find Home, næstkomandi föstudag, 13. maí kl.17.
Og þá gerist það
dramatískasta stund stunda
rólega í átt að himnum einn af einum stekkur út
Þyngdarlögmálið sleppir takinu af hófunum algjörlega væmnislaust
faxið sveiflast á íburðarmikinn hátt
á meðan lífið líður smátt og smátt úr löppunum
Hlustið
Það rignir hestum í veröld stórkostlegheitanna
Þeir munu skilja okkur eftir
Þið haldið áfram að lifa, elska og borða smá mat
til þess að gleyma að eitt sinn voru þeir á lífi
að þeir voru til
að þeir, rétt eins og þú, báru með sér þrá og skinn
sem eitt sinn var snert
og hugsanlega kitlað
ljóð: Erika Cederqvist
þýðing: Kristinn Guðmundsson
___
Málverk Chöndru eru upprunnin á vissum stað, en hann er óljós.
Hugarrými sem byggir á tilfinningu, fleirum en einni og engri heilli. Þær umbreytast. Þær eiga sér ólíkan uppruna. Í persónulegri reynslu, sameiginlegri reynslu, eða í undirmeðvitundinni. Sumar eiga sér stað í tíma og rúmi, á ákveðnum áratugi eða ári. En aðrar eiga sér engan tíma, eða öllu heldur allan tímann. Þær tilheyra kringumstæðum, andvaranum, ljósinu, skýjamyndunum, sem endurtaka sig í sífellu en eru ávallt nýjar, og þó, kannski var einhver einhverntímann einhversstaðar sem horfði upp á einmitt sömu skýin í sömu birtunni og fann sömu lyktina.
Umgjörðin og inntakið er ekki bundið við nútímann. Er við skoðum verk Chöndru erum við bæði hér og nú og líka fyrir 1000 árum. En verkin hennar fást við nútímann, við nútíðina. Þá sem leið og þá sem er og þá sem kemur, og allar þær sem fylgja í hringrás á eftir þeim sem voru.
Verkin eru afurð nútímans, meðvituð um frumþörf sem er erfitt að uppfylla í þess háttar lífi sem við lifum. Meðvitund sem einungis verður til við skort.
texti: Steinunn Önnudóttir
Chandra Sen, f. 1986 í Svíþjóð, býr og starfar í Stokkhólmi.
Hún lauk BA námi í myndlist frá Gerrit Rietveld Academie árið 2012, og MA námi við Listaháskólann í Osló árið 2014.
Árið 2015 tók hún þátt í samsýningunni Menneskeberger á vinnustofur Edvards Munch í Osló, og gerði sviðsmyndina fyrir His own Room eftir Solberg/Cederqvist sem var sýnt í Black Box leikhúsinu í Osló og víða í Hollandi. Árið 2015 lauk Chandra árs residensíu í Kunstnernes Hus í Oslo, og hafði einnig listamannaaðsetur í húsi Edvards Munch í Warnemunde, Þýskalandi, sumarið 2015.
Fyrri einkasýningar eru hjá Podium í Osló og k.i.beyonce í Amsterdam. Hún hefur tekið þátt í fjölmörgum samsýningum m.a. Grey Gorges Cast No Shadows hjá Kurant í Tromsø, Missing Small Wolf in Bronze, í Kunstenernes Hus í Oslo, og ABBA Art Books By Artists í Amsterdam. Næsta sýning hennar verður í haust hjá Diepte í Stokkhólmi.
Sýning er styrkt af Sænsk-íslenska Samstarfssjóðnum.
___________________________________________________
Harbinger welcomes you to the opening of Chandra Sen’s solo show Find home, this Friday the 13th of May at 5 pm.
And then it happens
the most dramatic of moments
slowly towards the sky one by one is jumping out
the law of gravity lets go of the hooves completely unsentimentally
their manes flutters in a very melodramatic way
meanwhile their legs become more and more inanimate
Listen now
It is raining horses out in the universe marvellousness
they will leave us here
you will keep on living, loving and eating some food
to soon forget that they was once alive
that they were existing
that they, just like you, was carrying a longing and a pelt that once was touched
and maybe tickled
poem by Erika Cederqvist
___
Chandra’s paintings come from some place. It is a fleeting place. A mental space based upon a feeling, more than one and not one complete. They are in transition. They stem from different roots. Personal experience, common experience, or the collective unconscious. Some have a firm place in time, a decade, a year. Others have no specific time, but simply all time. They belong to circumstances, the breeze, the light, the cloud formations, forever on repeat though never the same, and yet, perhaps someone somewhere sometime saw precisely the same sky in the same light with the same smells.
The framework isn’t limited to the present. In viewing Chandra’s work we are both here and now and simultaneously a 1000 years ago. But her work is however focused on the present. It deals with the present, the now and just before, and then just after, and all consecutive presents warped in time until all previous presents.
It is also a product of the present, conscious of an elemental quality of life so hard to obtain in our surroundings. It is aware of the quality of presence in a way which is only possible when its missing.
text by Steinunn Önnudóttir
___
Chandra Sen b. 1986, Sweden, is an artist living and working in Stockholm. She finished her BA of Fine Art at the Gerrit Rietveld Academie in Amsterdam in 2012, and her MA at the Oslo Art Academy in 2014.
In 2015 she participated in the groupshow ‘Menneskeberget’ in Edvard Munch’s studio in Oslo and made the Scenography for His own Room by Solberg/ Cederqvist performed at The Black Box Theatre in Oslo and in various venues in The Netherlands. She also finished a one year artist in residence program at Kunstnernes Hus in Oslo and did an artist in recidence during the summer at the Edvard Munch house in Warnemunde, Germany. She has previously had a soloshow exhibited at Podium in Oslo and at k.i. beyonce in Amsterdam. Her work have featured in numerous group exhibitions among others Grey Gorges Cast No Shadows at Kurant in Tromsø, Missing Small Wolf in Bronze, at Kunstenernes Hus in Oslo, and ABBA Art Books By Artists in Amsterdam. Her next show will take place this autumn at Diepde in Stockholm.
The exhibition is sponsored by the Swedish-Icelandic Association.
The post Find Home // Harbinger appeared first on sím.
Laugardag 14. maí kl. 15 verður opnuð í Mjólkurbúðinni (í Listagilinu) á Akureyri , sýningin Gaddar með verkum eftir Gunnhildi Þórðardóttur. Titill sýningarinnar vísar í hið oddhvassa sem kemur bæði fyrir í skúlptúrunum og í málverkunum á sýningunni en einnig hefur titillinn tengingu í pönkið og málminn en tónlist er alltaf mikill innblástur í verkum listamannsins. Gunnhildur skoðar samband milli andstæðra tilfinninga sem fólk upplifir við að skoða verkin þar sem gaddarnir eða oddarnir eru í senn heillandi og vekja ugg eða minna á fjöll. Gunnhildur nýtir efni sem til fellur enn á ný s.s. afskurði af ýmsum toga og endurnýtir í listaverk en sjálfbærni er henni ofarlega í huga. Á sýningunni eru bæði tví -og þrívíð verk. Sunnudag 18. maí á Íslenska safnadaginn verður sýningin opin 14-17. Listamaðurinn tekur þátt í listamannaspjalli sunnudag 15. maí kl.12.
Gunnhildur lauk BA (Honours) í listasögu og fagurlistum frá Listaháskólanum í Cambridge árið 2003 og MA í liststjórnun frá sama skóla árið 2006. Hún hefur haldið nokkrar einkasýningar meðal annars í Listasafni Reykjanesbæjar, í Suðsuðvestur, Flóru á Akureyri, í SÍM salnum, sal Íslenskrar grafíkur auk þess að taka þátt í samsýningum í Listasafni Íslands, Hafnarborg, Listasafni Reykjanesbæjar, 002 gallerí og í myndbandsgjörningi í Tate Britain. Þetta er 16 einkasýning hennar, þá hefur Gunnhildur tekið þátt í fjölda samsýninga bæði hér heima og erlendis.
Sýningin stendur til 22. maí en galleríið er opið laugardaga og sunnudaga kl. 14-17. Ókeypis aðgangur.
Sjá nánar um sýninguna á vefsíðunni https://www.facebook.com/groups/289504904444621/ og www.gunnhildurthordardottir.com
The post Sýningin Gaddar appeared first on sím.
Fram kom í fréttum sl. föstudag að Alþýðusamband Íslands hafi þegar selt Ásmundarsal, einungis viku eftir að fréttir bárust af því að húsnæðið væri til sölu. Vegna þessa sendir stjórn SÍM frá sér meðfylgjandi yfirlýsingu.
Líkt og áður hefur komið fram harmar stjórn SÍM sölu ASÍ á Ásmundarsal. Nú ríkir óvissa um það hvernig safneign ASÍ verður sýnd til framtíðar litið. Stjórn SÍM telur brýnt að þessari óvissu verði eytt sem fyrst, enda tilheyra Listasafni ASÍ mörg af fegurstu verkum íslenskrar myndlistarsögu. Tryggja þarf safneigninni nýtt sýningarrými svo hægt verði að sýna verkin. Af hálfu ASÍ hefur komið fram að ætlunin sé að nota ágóða af sölu Ásmundarsalar til að koma upp nýju sýningarrými til að sýna safneign listasafnsins. Að mati stjórnar SÍM verður að koma fram raunhæf, tímasett áætlun um það hvenær nýtt sýningarrými verður tekið í notkun. Annað er vanvirðing við listasafn ASÍ og stofngjöf Ragnars í Smára. Stjórn SÍM auglýsir eftir slíkri áætlun og mun fylgja því eftir opinberlega að hún liggi fyrir á þessu ári.
SÍM ítrekar óánægju sína með að ekkert samráð hafi verið haft við hagsmunaaðila við aðdraganda sölunnar og lýsir furðu sinni á því hve skamman tíma söluferlið tók. Frá því Ásmundarsalur var auglýstur til sölu og þar til hann var kominn í hendur nýrra eigenda leið tæp vika. Þá telur SÍM að eðlilegt hefði verið að auglýsa tilboðsfresti opinberlega vegna söluferlsisins.
Stjórn SÍM óskar nýjum eigendum Ásmundarsalar, fjárfestunum Sigurbirni Þorkelssyni og Aðalheiði Magnúsdóttur, velfarnaðar í fyrirhugaðri menningarstarfsemi í húsnæðinu. Þeim eru þakkir skildar fyrir að takast á hendur þá ábyrgð sem fylgir þessu einu sögufrægasta húsi íslenskrar listasögu, sérstaklega fyrir þá fyrirætlan að virða ósk Ásmundar Sveinssonar um að myndlistartengd starfsemi verði ávallt hluti af húsinu. Fyrirhuguð starfsemi nýrra eigenda, sem kynnt hefur verið í fjölmiðlum, virðist eyða þeirri óvissu sem uppi var varðandi framtíðarnotkun Ásmundarsalar og hvort hann yrði áfram notaður sem myndlistarrými eða í öðrum, óskyldum tilgangi.
Alls skrifuðu rúmlega 1500 manns undir áskorun SÍM til ASÍ um að endurskoða ákvörðun um að selja Ásmundarsal. Stjórn SÍM færir öllum sem veittu málinu áhuga bestu þakkir.
The post Yfirlýsing frá stjórn SÍM vegna sölu Ásmundarsalar appeared first on sím.
Gunnhildur Þórðardóttir ofnar sýningu sína GADDAR laugardag 14. maí kl. 15 í Mjólkurbúðinni í Listagilinu á Akureyri,
Titill sýningarinnar vísar í hið oddhvassa sem kemur bæði fyrir í skúlptúrunum og í málverkunum á sýningunni. Einnig hefur titillinn tengingu í pönkið og málminn en tónlist er alltaf mikill innblástur í verkum listamannsins. Gunnhildur skoðar samband milli andstæðra tilfinninga sem fólk upplifir við að skoða verkin þar sem gaddarnir eða oddarnir eru í senn heillandi og vekja ugg eða minna á fjöll. Gunnhildur nýtir efni sem til fellur enn á ný s.s. afskurði af ýmsum toga og endurnýtir í listaverk en sjálfbærni er henni ofarlega í huga. Á sýningunni eru bæði tví -og þrívíð verk.
Listamaðurinn Gunnhildur Þórðardóttir tekur þátt í listamannaspjalli sunnudag 15. maí kl.12.
þann 18.maí á Íslenska safnadeginum verður sýningin einnig opin kl.14-17.
Gunnhildur lauk BA (Honours) í listasögu og fagurlistum frá Listaháskólanum í Cambridge árið 2003 og MA í liststjórnun frá sama skóla árið 2006. Hún hefur haldið nokkrar einkasýningar meðal annars í Listasafni Reykjanesbæjar, í Suðsuðvestur, Flóru á Akureyri, í SÍM salnum, sal Íslenskrar grafíkur auk þess að taka þátt í samsýningum í Listasafni Íslands, Hafnarborg, Listasafni Reykjanesbæjar, 002 gallerí og í myndbandsgjörningi í Tate Britain. Þetta er 16 einkasýning hennar, þá hefur Gunnhildur tekið þátt í fjölda samsýninga bæði hér heima og erlendis.
Sýningin stendur til 22. maí en galleríið er opið laugardaga og sunnudaga kl. 14-17. Ókeypis aðgangur.
Sjá nánar um sýninguna á vefsíðunni https://www.facebook.com/groups/289504904444621/ og www.gunnhildurthordardottir.com
Verkfæri til sjálfsbjargar á hjara veraldar
Málþing 20. – 22. maí í Herðubreið, Seyðisfirði
Dagana 20. – 22. maí efnir Skaftfell til málþings um samspil myndlistar og vistfræði í tengslum við verkefnið Frontiers in Retreat . Yfirskrift málþingsins er „Verkfæri til sjálfsbjargar á hjara veraldar” og mun það þjóna sem samtalsvetttvangur þar sem rýnt verður í eftirfarandi spurningar:
Boðið verður upp á fyrirlestra sem tengjast náttúru, jarðfræði og mannlífi, snertifleti myndlistar og vistfræði, umhverfismál og meðvitaðan lífsstíl, umbætur á innviðum samfélagsins og aukin lífsgæði. Sérstakur gestur verður Naresh Giangrande frá bresku samtökunum Transsition Network og mun hann loka málþinginu á sunnudeginum. Samtökin eru góðgerðarstofnun sem hvetur, útskýrir, víkkar, styður, þjálfar og dýpkar vitund á heimsvísu með Transition módelinu sem leiðir til minnkunnar á losun koltvísýrings og eykur velferð í heiminum. Aðrir fyrirlesarar koma víða að:
Caitlin Wilson frá Landvernd
Erla Dóra Vogler frá Djúpavogshreppi
Guðfinnur Jakobsson frá Skaftholti
Hjalti Jóhannesson frá Rannsóknarmiðstöð Háskólans á Akureyri
Jonatan Spejlborg og Lasse Hogenhof (DK) frá Lunga skólanum
Kati Gausmann (DE) myndlistarmaður
Martin Gasser (CH) frá Breiðdalssetri
Ósk Vilhjálmsdóttir myndlistarmaður
Ráðhildur Ingadóttir myndlistarmaður
Rán Þórarinsdóttir frá Náttúrustofu Austurlands
Richard Skelton (UK) myndlistarmaður
Málþingið fer fram á ensku í Herðubreið og þátttaka er gjaldfrjáls. Dagskrá er aðgengileg á www.skaftfell.is og nánari upplýsingar um fyrirlesara birtast brátt. Skráning fer fram á fraedsla@skaftfell.is
Málþingið er styrkt af menningaráætlun ESB, Myndlistarsjóði, Uppbyggingarsjóði Austurlands, Seyðisfjarðarkaupstað og Náttúruverndarsjóði Pálma Jónssonar, stofnanda Hagkaups.
Nánar má lesa um Frontiers in Retreat verkefnið í heild sinni á http://skaftfell.is/verkefni/frontiers-in-retreat-2013-2018/
The post Verkfæri til sjálfsbjargar á hjara veraldar appeared first on sím.
Hulda Hákon í Hallgrímskirkju, opnun 15. maí eftir messu.
Listvinafélag Hallgrímskirkju býður þér að vera við opnun sýningar á verkum Huldu Hákon í forkirkju Hallgrímskirkju á Hvítasunnudag 15. maí 2016 kl. 12.15.
Hulda sýnir lágmyndir undir nafninu Pétur, en að þessu sinni blandar hún saman minnum úr kristinni sögu og aðstæðum íslenskra sjómanna.
Heilagur Pétur tengist hafinu sterkum böndum, enda var hann fiskveiðimannssonurinn sem varð einn af lærisveinum Jesú, kletturinn sem Kristur sagðist myndi byggja kirkju sína á. Margir hafa samsamað sig Pétri í íslenskri kirkjumenningu gegnum aldirnar, enda var hann bláber alþýðumaður, breyskur og mannlegur. Myndmál sitt sækir Hulda til Vestmannaeyja og sjávarins kringum þær.
Sýningaropnunin verður strax eftir Hvítasunnumessuna, klukkan 12.15, og eru allir velkomnir. Miðborgarstjórinn Jakob Frímann Magnússon opnar sýninguna og boðið verður upp á léttar veitingar. Sýningin stendur til 28. ágúst.
Opnunin er hluti af hvítasunnuhátíðarhöldum í Hallgrímskirkju, en einnig verða á dagskrá þessa helgi spennandi orgeltónleikar Harðar Áskelssonar með hvítasunnutónlist (kl. 12 á laugardeginum) og a cappella tónleikar Mótettukórsins (kl. 17 á sunnudeginum). Sjá nánar á www.listvinafelag.is .
The post Hulda Hákon í Hallgrímskirkju appeared first on sím.
Við vorum einu sinni nágrannar/Once we were next-door neighbors
Laugardaginn 21. maí kl. 17:00, verður opnuð í Listasafni ASÍ sýning á verkum listamannanna Hreins Friðfinnssonar og John Zurier.
Ljóðræna skynjunar, staðar, tíma og endurminninga skapa sameiginlegan, tilfinningalegan þráð milli umbreyttra fundinna hluta og innsetninga Hreins Friðfinnssonar og abstrakt málverka John Zurier.
Hreinn Friðfinnsson er fæddur í íslenskri sveit og er hugmyndafræðilegur listamaður. John Zurier er fæddur í Suður-Kaliforníu og er listmálari. Þó svo að þeir noti mismunandi aðferðir, tækni og nálgun er samhljómur í verkum þeirra; ljóðræn tilfinning og einfaldleiki tengir þá. Aðferðir þeirra eru knappar, afstaða þeirra til efnisins einkennist af innlifun og næmi fyrir því hvernig heiðarleiki gagnvart efninu afhjúpar á mótsagnakenndan hátt tilfinningu fyrir hverfulleika.
Verk Hreins Friðfinnssonar og John Zurier voru sýnd í aðliggjandi rýmum á þrítugasta tvíæringnum í Saõ Paulo. Þeir halda nú áfram þessum samræðum á Listahátíð í Reykjavík með verkum sem eru gerð sérstaklega fyrir sali Listasafns ASÍ.
Sýningin er á dagskrá Listahátíðar í Reykjavík 2016.
Sýningin stendur til 30. júní og er safnið opið alla daga nema mánudaga frá kl. 13 til 17. Aðgangur er ókeypis.
The post Hreinn Friðfinnsson og John Zurier appeared first on sím.
Sýningin opnar laugardaginn 21. maí kl. 15.
Teikningar og skúlptúrar belgísku myndlistarkonunnar Berlinde de Bruyckere fæðast sem raunsæjar, anatómískar stúdíur undir áhrifum frá flæmska skólanum og þýsku endurreisninni sem hafa haft djúpstæð áhrif á verk hennar, sem og frá ímyndunarafli og ljóðrænu næmi hennar sjálfrar.
Sérstaklega eru það málverk Lucas Cranach eldri (1472-1553), sem hafa snert De Bruyckere. Um upplifun sína af verkum hans segir hún:
„Þegar ég skoða málverk hans upplifi ég hið líkamlega í þeim sem tjáningarmáta fyrir hugsanir og hugðarefni þessara persóna – ótta þeirra, ástríður, efasemdir …Allra helst tengi ég við það hvernig hann fæst við hið líkamlega, og notar hinn holdlega líkama sem táknmynd hins andlega líkama.“
Hinar kraftmiklu, afmynduðu fígúrur De Bruyckere, mennskar jafnt sem af hrossakyni, úr vaxi, feldi dýra eða hári, kalla fram frásagnir og upplifanir úr nútímanum. Gegnumgangandi í verkum hennar er ríkt innsæi sem er undirbyggt af djúptækri þekkingu á viðfangsefninu og vinnsluaðferðunum.
Ferill De Bruyckere hefur spannað þrjá áratugi en hún náði alþjóðlegri hylli á Feneyjatvíæringnum árið 2003, þar sem skúlptúrar hennar voru sýndir í ítalska skálanum. Á sýningunni í Listasafni Íslands eru skúlptúrar og teikningar frá síðustu fimmtán árum. Þetta er fyrsta sýning hennar á Íslandi.
Sýningin er samstarfsverkefni Listahátíðar í Reykjavík og Listasafns Íslands.
The post Berlinde de Bruyckere 21.5.2016 – 4.9.2016 appeared first on sím.
Sunnud. 22. maí kl. 15:00
Í tengslum við alþjóðadag safna efnir Listasafn Árnesinga til dagskrár sunnudaginn 22. maí kl. 15:00 með listamannaspjalli Péturs Thomsen og Rúríar um verk þeirra á sýningunum
Tíð / Hvörf og Tíma – Tal sem nýlega voru opnaðar í safninu. Viðfangsefni þeirra tengjast vel þema alþjóðlega safnadagsins sem í ár er: söfn og menningarlandslag.
Á alþjóðadegi safna 18. maí hafa söfn um allan heim skipulagt dagskrá þann dag, næstu helgi eða jafnvel alla vikuna sem 18.maí ber upp á og hefur það verið gert frá árinu 1977. Á síðasta ári voru yfir 30 þúsund söfn sem staðsett eru í yfir 120 löndum þátttakendur. Þema hvers árs er valið af alþjóðlegri nefnd með það í huga að draga fram mikilvægi safna og þátt þeirra í samfélagslegri þróun.
Með þessu þema söfn og menningarlandslag er áherslan lögð á ábyrgð safna gagnvart umhverfi sínu og er ákall til þeirra um að leggja til þekkingu og taka virkan þátt í stjórnun, verndun og viðhaldi þeirrar menningararfleifðar sem felst í menningarlandslagi bæði innan og utan veggja safnsins.
Listamennirnir Pétur og Rúrí eru bæði þekkt fyrir það að fjalla um samskipti manns og náttúru og hafa með verkum sínum lagt áherslu á mikilvægi þess að vera meðvitaður um áhrif mannsins á náttúruna og þær afleiðingar sem afskipti hans geta valdið, neikvæðar sem jákvæðar. Núverandi sýningar í Listasafni Árnesinga falla því einkar vel að þema safnadagsins í ár og eru gestir hvattir til þess að koma og eiga spjall við listamennina.
Listasafn Árnesinga er í eigu allra sveitarfélaganna í Árnessýslu en það er staðsett í Hveragerði. Á safninu er tekið vel á móti barnafjölskyldum og ýmislegt í boði fyrir börn. Safnið er opið alla daga kl. 12-18. Aðgangur er ókeypis, líka á listamannaspjallið, en hægt er að kaupa sér kaffi og léttar veitingar.
The post Safnadagurinn 2016: Söfn og menningarlandslag í Listasafni Árnesinga appeared first on sím.
TVEIR HRAFNAR LISTHÚS
21. maí – 25. júní 2016 / May 21 – June 25 2016
Velkomin á opnun sýningar Steinunnar Þórarinsdóttur laugardaginn 21. maí klukkan 17. Klukkan 17:15 mun Anna Richardsdóttir fremja hreingjörning á verki Steinunnar sem staðsett er fyrir framan galleríið.
Sýningin er hluti af dagskrá 30. Listahátíðar í Reykjavík 2016.
Welcome to the opening of Steinunn Þórarinsdóttir ́s exhibition Saturday 21st of May at 5pm. At 5:15pm Anna Richardsdóttir will present a cleaning performance on Steinunn ́s sculpture.
The exhibition is part of the 30th Reykjavík Arts Festival 2016.
The post Steinunn Þórarinsdóttir – Mósaík / Mosaic appeared first on sím.
Fimmtudaginn 19. maí kl. 17:00 opnar sýning á verkum Helgu Pálínu Brynjólfsdóttur í Gallerí Skoti sem er staðsett i Skúmaskoti á Skólavörðustíg 21 (á horni Klapparstígs og Njálsgötu). Helga Pálína sýnir smáverk unnin i tré og móberg með hörþræði. Verkin vísa í vorljóð þar sem litur og líf skríður fram úr gráma vetrarins.
The post Helga Pálína Brynjólfsdóttir í Gallerí Skoti appeared first on sím.
Sunnudagur 22. maí kl. 14.
Hanna Styrmisdóttir, sýningastjóri sýningar Berlinde de Bruyckere og listrænn stjórnandi Listahátíðar, leiðir gesti um sýninguna sunnudaginn 22. maí klukkan 14:00.
Ferill belgísku myndlistarkonunnar Berlinde De Bruyckere hefur spannað þrjá áratugi en hún náði alþjóðlegri hylli á Feneyjatvíæringnum árið 2003, þar sem skúlptúrar hennar voru sýndir í ítalska skálanum. Á sýningunni í Listasafni Íslands eru skúlptúrar og teikningar frá síðustu fimmtán árum en verkin fæðast sem raunsæjar, anatómískar stúdíur undir áhrifum frá flæmska skólanum og þýsku endurreisninni sem hafa haft djúpstæð áhrif á verk hennar, sem og frá ímyndunarafli og ljóðrænu næmi hennar sjálfrar.
Sýningin er samstarfsverkefni Listahátíðar í Reykjavík og Listasafns Íslands.
The post Berlinde de Bruyckere: leiðsögn með sýningarstjóra appeared first on sím.
INTERNATIONAL ARTIST EXCHANGE ARTISTS IN RESIDENCE – SYMPOSIUM „TRAUNKUNST“
Félagsmönnum SÍM er boðið að taka þátt í aðþjóðlegu verkefni í
Austurríki í sumar „Traunkunst“.
Þeir sem vilja taka þátt í verkefninu verða að senda umsókn til SÍM (sim@sim.is)
sem fyrst og í síðasta lagi á mánudaginn 23.maí.
Tveir listamenn verða valdir úr hópi þeirra sem hafa áhuga á að taka þátt.
Þátttakendum verður séð fyrir fæði og húsnæði á staðnum, en verða
sjálfir að sjá um ferðir á staðinn.
Hægt er að sækja um ferðastyrki til Kynningarmiðstöðvarinnar og Myndstef
Frekari upplýsingar er hægt að finna
http://sim.is/wp-content/uploads/2016/05/International-Art-Symposium-wels-englisch-1.pdf
Vinnustofan er í 10 daga frá 7-17 júli, sett verður upp sýning í lokin sem stendur í 2 vikur.
Herbert Golser
Francesco Bocchini
Josef Bernhardt
Heimo Wallner
Jiri Hastik:
Christine Bauer
Herbert Egger
Linda Steinthorsdottir
The post Alþjóðlegt verkefni í Austurríki í júli // Frábært tækifæri fyrir félagsmenn SIM appeared first on sím.
Listamennirnir Berglind Hlyndsóttir og Gunnhildur Hauksdóttir taka þátt í sýningunni Climbing Invisible Structures sem er hluti af fimm ára afmælis hátíð Nida Art Colony. Opnun sýningarinnar verður laugardaginn 21. maí nk. í Nida í Litháen. Þetta er fyrsta sýningin af þremur sem þær munu taka þátt í í tengslum við verkefnið. Climbling Invisible Structures er metnaðarfullt verkefni sem mun standa í 2 ár.
Frekari upplýsingar má sjá hér.
The post Climbing Invisible Structures appeared first on sím.
Síðasti sýningardagur á sýningunni Mylting í SÍM salnum eftir Ingu Huld Tryggvadóttur.
Inga Huld hefur endurunnið ál í sínum verkum i einhvern tíma og er þetta hennar fyrsta sýning þar sem ál spilar lykilhlutverk.
Inga Huld útskrifaðist með BFA frá San Francisco State University 2005 og með MFA frá Pratt Institute 2007. Þetta er önnur einkasýning Ingu Huldar á Íslandi en auk þess hefur hún haldið tvær einkasýningar og tekið þátt í þónokkrum samsýningum í Bandaríkjunum.
Sýningin mun standa yfir til 20. maí.
The post Síðasti sýningardagur í SÍM salnum// MYLTING appeared first on sím.
Sunnudaginn 22. maí frá kl. 12 – 16 býður listamaðurinn Egill Sæbjörnsson uppá föndurstund í Hafnarborg þar sem þátttakendur á öllum aldri fá að móta úr brauðdegi. Við bökun og hefun breytist það sem mótað var óhjákvæmilega, allt belgist út, bjagast og óvænt form verða til.
Bakaríið tengist stærri sýningu Egils sem sett verður upp í Hafnarborg í haust en þar veltir listamaðurinn fyrir sér hvernig byggingar, náttúra og umhverfi hefur áhrif á daglegt líf okkar allra.
Bakaríið verður sett upp í Apótekinu í Hafnarborg og eru þátttakendur velkomnir hvenær sem er yfir daginn. Það sem þátttakendur búa til er síðan bakað á staðnum og það sem er ekki borðað um leið er fólk beðið um að láta Agli í té til frekari þróunar í tengslum við sýningu hans næsta haust. Þeir sem koma og taka þátt fá áritað verk frá Agli í þakklætisskyni.
Egill Sæbjörnsson (f. 1973) er einn af framsæknustu listamönnum þjóðarinnar. Hann nam myndlist við Listaháskóla Íslands og við Parísarháskóla 8 St. Denis á árunum 1993–1997 og hefur verið búsettur og starfað við myndlist í Berlín og Reykjavík frá 1999.
The post Bakarí Egils Sæbjörnssonar 22. maí frá kl. 12 – 16 appeared first on sím.
Verið velkomin á opnun sýningarinnar ÓLJÓS ÞRÁ laugardaginn 28. maí klukkan 14.00 í Grafíksalnum að Tryggvagötu 17 (snýr að höfninni). Jóna Hlíf sýnir ný verk unnin á árunum 2015 og 2016. Í forgrunni verða textaverk og skúlptúrar byggð á minnum sem tengjast veðri og tímanum. Verkin á sýningunni byggja á aðferðum og hugmyndum sem eru kunnugleg frá sýningum Jónu Hlífar á undanförnum árum en unnið er með nýja efniviði, áferð og frásögn.
Jóna Hlíf Halldórsdóttir (1978) útskrifaðist frá fagurlistadeild Myndlistaskólans á Akureyri 2005, lauk MFA-gráðu frá Glasgow School of Art í Skotlandi 2007 og MA-gráðu í listkennslu frá Listaháskóla Íslands 2012. Jóna Hlíf hefur starfað og sýnt verk sín hér heima og erlendis en samhliða listsköpun starfar Jóna Hlíf sem formaður Sambands íslenskra myndlistarmanna og er stundakennari hjá Myndlistarskólanum á Akureyri og Listaháskóla Íslands
Sýningin mun standa til og með 12. júní – opið laugardag og sunnudag frá kl 14:00 til 17:00.
Laugardaginn 28. maí 2016 kl. 15.00 opnar Kristján Guðmundsson sýningu í Kompunni, Alþýðuhúsinu á Siglufirði.
Kristján Guðmundsson er einn af þekktari listamönnum þjóðarinnar, búsettur í Reykjavík. Hann hóf listferil sinn uppúr 1960 og var einn af meðlimum SÚM sem þá var framsækinn félagskapur ungra listamanna í Reykjavík.
Kristján bjó á áttunda áratugnum í Hollandi þar sem hann komst í beint samband við strauma og stefnur í heimslistinni og hlaut ýmsar viðurkenningar fyrir list sína.
Árið 1979 fluttist hann ásamt fjölskyldu sinni heim til Íslands og settist að um tíma á Hjalteyri við Eyjafjörð.
Kristján var fulltrúi Íslands á Feneyjar tvíæringnum 1993 og 2010 hlaut hann virtu sænsku Carnegie Art Award. Hann hefur sýnt víða um heim sem og hér heima og hlotið margvíslegar viðurkenningar og lof fyrir verk sín.
Verk Kristjáns láta oft ekki mikið yfir sér, en ef grannt er skoðað má greina djúpa hugsun og kraftmikið formskin, hreinleika og fegurð í viðkvæmum línudansi.
„I am trying to work within the field of tension that exists between nothing and something“.
Í íslenskri þýðingu.
“ Ég reyni að vinna innan viðvarandi spennusviðs á milli einskis og einhvers “
Sýning Kristjáns í Kompunni, Alþýðuhúsinu á Siglufirði stendur til 11. júní og er opin daglega kl. 14.00 – 17.00 þegar skilti er úti.
Fjallabyggð, Menningarráð Eyþings/uppbyggingarsjóður og Egilssíld styrkja menningarstarf í Alþýðuhúsinu á Siglufirði.
The post Kristján Guðmundsson í Alþýðuhúsinu á Siglufirði. appeared first on sím.