Laugardaginn 30. apríl kl. 15 verður útskriftarsýning nemenda listnáms- og hönnunarbrautar VMA opnuð í Listasafninu á Akureyri, Ketilhúsi. Sýning á lokaverkefnum nemenda hefur lengi verið fastur liður í starfsemi listnáms- og hönnunarbrautar Verkmenntaskólans á Akureyri. Nemendur fá eina önn til að vinna að lokaverkefnum sínum og uppsetningu sýningar í samvinnu við leiðsagnarkennara og samnemendur þar sem áhersla er lögð á sjálfstæð vinnubrögð.

Á útskriftarsýningunni má meðal annars sjá málverk, ljósmyndir, fatahönnun, grafíkverk og teikningar. Sýningin gefur góða innsýn í hið víðtæka nám sem fram fer á listnáms- og hönnunarbraut VMA, en þetta er í annað sinn sem hún er haldin í samstarfi við Listasafnið á Akureyri.

Útskriftarsýningin stendur til 15. maí og er opin þriðjudaga til sunnudaga kl. 12-17. Nemendur verða á staðnum alla opnunarhelgina, reiðubúnir í samtal um verkin og að leiðsegja gestum. Nemendurnir eru: Andrea María Sveinsdóttir, Anna Kristín Arnardóttir, Arna Halldórsdóttir, Ásdís Dögg Guðmunsdóttir, Kamilla Ósk Heimisdóttir, María Rún Árnadóttir, Svanfríður Oddsdóttir, Úlfur Logason og Valtýr Örn Stefánsson Jeppesen.

Meðfylgjandi er kynningarmynd sýningarinnar eftir Úlf Logason.

The post Útskriftarsýning nemenda listnáms- og hönnunarbrautar VMA appeared first on sím.

Kvartett, Gauthier Hubert, Chantal Joffe, Jockum Nordström, Tumi Magnússon 15.1 – 1.5 2016
–síðasta sýningarvika.

Listasafn Íslands hóf sýningadagskrá sína á nýju ári með sýningu fjögurra samtímalistamanna, þeirra Gauthiers Hubert (1967), Chantal Joffe (1969), Jockums Nordström (1963) og Tuma Magnússonar (1957). Öll vinna þau með sjálfan manninn í brennidepli. Framsetning verka þeirra snýst um listmiðilinn og sögu hans að fornu og nýju og þau ganga út frá ákveðnum sögulegum forsendum en með afar ólíkum hætti.

Gauthier Hubert tekur hugmyndlæga afstöðu til málverksins og spretta verk hans af sagnfræðilegum atvikum sem bregða skýru ljósi á starf og hugarheim listamannsins í fortíð og nútíð.

Chantal Joffe gengur gjarnan út frá sjálfri sér, sínu nánasta umhverfi. Verk hennar eru í senn nærgætin, innileg og nærgöngul.

Jockum Nordström teiknar, klippir og límir upp barnslegar myndir af samfélagi eins og það birtist okkur gjarnan í sögulegum sápuóperum um húsbændur og hjú. Undir liggur þó sori og siðleysi.

Teygðar og afmyndaðar myndir Tuma Magnússonar af líkamspörtum og hauskúpum eru nær beinar tilvísanir í myndmál sem hrekkjóttir meistarar á 16. öld beittu gegn hugmyndaþurrð samtíðarinnar.

Nánar um sýninguna

The post Kvartett appeared first on sím.

Hennessy Park Hotel and Partage

have the pleasure to invite you to

“ GREEN ISLAND”  – From Iceland to Mauritius

Video -talk- performance by Monika Fryčová

Friday 29th April 2016 at 18h00, Hennessy Park Hotel, conference room

65, Ebene Cybercity -Mauritius

Monika Fryčová has been resident artist in David Larcher studio and Partage in Mauritius from March to May 2016. During her stay she developed various projects  based on unspoken sub context  between Icelandic – Mauritian cultural connection. After her conference and video-talk she will perform eclectic DJ set Secret Formula ‘at World Dance Day’ @ Backstage Hennessy.

Fryčová was supported by Listamannalaun, artist’s travel grant from Iceland.

www.monikafrycova.net

http://www.hennessyhotel.com/

INFO : Monika Fryčová (b. 1983, Czechoslovakia) is an audiovisual artist, performer, and writer based in Seydisfjordur, Iceland and partly in southern Portugal.

She frequently deals with mixed media and untranslatable experiences, trying to perform under their own rhythms – the Here and the Now  – the search for the primal source constantly found, only to be deserted again. Her work evidences the behaviour of certain nonlinear dynamic systems, the relationships between the seen and the indicated (unseen), the constantly in motion and the ephemeral, via symbols, aesthetics and the lens of history. She has been exploring freedom, intercultural issues and border culture, exotic minorities and experimental languages.

Currently works on permanent project Fantasy versus Discipline, The Artist as an Etnographer and organizes vivid dialogue between Iceland and Mauritius.

Fryčová  holds a M.A. in visual arts from the Fine Arts Faculty in Czech Republic, and has studied at the Academy of Arts in Reykjavík, Iceland.

Since 2003 she has been touring and exhibiting her work around the world.

The post Video -talk- performance by Monika Fryčová appeared first on sím.

The post Sýningaropnun Guðrún Einarsdóttir appeared first on sím.

The post Viaggio Sentimentale appeared first on sím.

Sýningarstjóraspjall um Ytri höfnina – útskriftarsýningu Listaháskóla Íslands
Sunnudaginn 1. maí kl. 16 í Hafnarhúsi

Markús Þór Andrésson sýningarstjóri ræðir við gesti um Ytri höfnina, útskriftarsýningu Listaháskóla Íslands 2016. Á sýningunni eru verk áttatíu nemenda sem ljúka nú BA stigi í myndlistardeild og hönnunar- og arkitektúrdeild. Verk þeirra endurspegla nám, rannsóknir og listsköpun þriggja ára.

Nafn sýningarinnar, Ytri höfnin, er fengið að láni frá samnefndri ljóðabók Braga Ólafssonar og vísar til óræðs staðar úti fyrir landi þar sem skip kasta akkerum tímabundið á ferðalagi sínu um heiminn. Nemendur yfirtaka Hafnarhúsið með svipuðum hætti, staldra þar við í tvær vikur og halda síðan hver í sína áttina.

_______________________________________________

Curator´s talk: Anchoring Ground
Sunday 1 May at 4 p.m. at Hafnarhús

Curator´s talk with Markús Þór Andrésson about Anchoring Ground, the Iceland Academy of the Arts graduation exhibition 2016.

The event takes place in Icelandic.

The post Sýningarstjóraspjall um Ytri höfnina appeared first on sím.

The IAA Korean National Committee would like to invite you to the special exhibition of 2016 Suncheon Natural Environment International Art Festival

(Venue: Suncheon City in Korea, Holding time: October and November)

More detailed information, please check out the document below:

IAA Korena NC(Suncheon event)

The post IAA Korean NC (Invitation of the exhibition) appeared first on sím.

Fimmtudaginn 28. apríl kl. 12.15-12.45 verður boðið upp á leiðsögn í Listasafninu á Akureyri um ljósmyndasýninguna Fólk / People, en þar sýna sjö ólíkir listamenn verk sín. Hlynur Hallsson safnstjóri tekur á móti gestum og fræðir þá um sýninguna. Aðgangur er ókeypis.

Fólk / People segir áhorfandanum sögur af fólki og gefur innsýn í verk sjö listamanna sem allir vinna með ljósmyndir á ólíkan hátt. Á dögum sjálfsmyndanna (e. selfie) hafa portrettmyndir öðlast nýja merkingu og hér gefur að líta fólk í ólíkum aðstæðum séð með augum ólíkra listamanna í gegnum linsur fjölbreyttra myndavéla. Listamennirnir eru Barbara Probst, Hallgerður Hallgrímsdóttir, Hrafnkell Sigurðsson, Hrefna Harðardóttir, Hörður Geirsson, Ine Lamers og Wolfgang Tillmans. Sýningarstjóri er Hlynur Hallsson.

Sýningin stendur til 29. maí og er opin þriðjudaga – sunnudaga kl. 12-17. Aðgangur er ókeypis.

The post Ljósmyndasýningin Fólk / People appeared first on sím.

Laugardaginn 31.apríl klukkan 15:00 opnar Elísabet Brynhildardóttir sýninguna Skáldað afl í Sal Myndlistarfélagsins, Listagilinu á Akureyri. Sýningin samanstefndur af teikningum, neyðarblysum og þrívíðum verkum sem skoða og leika sér að tilfærslum, heimfærslum og umfram allt þyngdinni. Sýningin stendur yfir til 15. maí, opið um helgar frá 14:00 – 17:00.

Á sýningunni Skáldað afl lítur Elísabet til vísindanna og þeirra bragða sem þar er beitt til að skilja heiminn. Titill sýningarinnar er vísun í eitt slíkt bragð, en Skáldað afl er ummorðun á eðlisfræðihugtakinu Gervikraftur (e. Ficticious force) sem er notað um þá hröðun sem á sér stað í ákveðnu kerfi sem sjálft fer hraðar og hraðar, hröðunin sjálf fer því að virka sem afl á hluti inní kerfinu og fær þannig þetta heiti. „It´s a force we made up so we can do calculations“ segir Andrey Kopot stærðfræðingur um fyrirbærið. Hér er allri kenningarstefnu vísindanna hennt útum gluggann og stærðfræðingar taka sér skáldaleyfi til að heimfæra óskyldar merkingar yfir á torræð hugtök, sem leið til að skilja heiminn.

Á þessari sýningu verður ekki farið nánar útí hröðun eða formúluna á bakvið hana heldur er þessi heimfærsla stærðfræðinganna lýsandi dæmi um ákveðna hentisemi og jafnvel einfeldningslega bjartsýni manneskjunnar, sem þó kemur henni svo langt. Þyngd og þyngdarafl eru kraftar sem erfitt er að skilgreina og eru Elísabetu hugleikin á þessari sýningu því öll erum við föll undir þyngdina, allt lekur niður, leysist upp og gefst upp fyrir þyngdinni. Í einlægri von og forvitni mannsins hefur hann sig yfir þetta náttúrulögmál á sama tíma og hann hlekkjar sig við það og jafnvel heimfærir yfir á hið óræða, andlega og þess handann snertingunnar. Verkin leitast ekki við að útskýra eða leysa einhverja mannlega gátu, heldur að bera á borð þær þversagnir og mótsagnir sem gera manninn á endanum að manni.

The post Skáldað afl appeared first on sím.

The post Félagsaðild að Myndhöggvarafélaginu í Reykjavík appeared first on sím.

BEGGJA VEGNA MÚLANS í Mjólkurbúðinni

Hólmfríður Vídalín Arngríms og Sigríður Guðmundsdóttir opna sýninguna BEGGJA VEGNA MÚLANS í Mjólkurbúðinni í Listagilinu á Akureyri. Sýningaropnun hefst laugardaginn 30.apríl kl. 14 og eru allir velkomnir.

BEGGJA VEGNA MÚLANS er samsýning tveggja kvenna. Önnur þeirra er býr á Ólafsfirði og hin á Dalvík.  Þetta er önnur sýning þeirra saman þar sem tenging og nálgun verka þeirra eru hafið, fjöllin og himininn.

Hólmfríður Vídalín Arngríms er keramiker á Ólafsfirði. Hún hefur  unnið með leir í hart nær 25 ár en hóf nám við Århus kunstakademi Danmörku árið 2009 og útskrifaðist þaðan 17.maí 2012. Hún rekur Kaolín Gallery Skólavörðustíg ásamt 8 konum.
Í dag vinnur Hólmfríður Vídalín fyrst og fremst með abstrakt skúlptúra og nytjahluti sem einstök verk. Í verkum sínum leitar hún fyrst og fremst eftir fegurðinni í ljótleikanum eins og verkin á þessari sýningu bera með sér. Hólmfríður Vídalín hefur tekið þátt í mörgum samsýningum hérlendis og erlendis einnig hefur hún farið á fjöldan allan af námskeiðum t.d. í leir og postulíni, glerbræðslu, japanskri pappírsgerð, textíl, ullarþæfingu sem nýtast henni í listsköpun sinni til framtíðar.

Sigríður Guðmundsdóttir starfar við glerlist á Dalvík
Sigríður Guðmundsdóttir hóf glerbræðslu í desember 2004. Hún sótti námskeið hjá Glit í Reykjavík og Anlaglas í Silkeborg, ásamt þvi að fá kennara frá Danmörku til Íslands með námskeið. Hún hefur tekið þátt í Handverk og Hönnun í Ráðhúsinu, matarsýningum og fleiri samsýningum. Á Dalvík rekur hún Gallerý á Karlsrauðatorgi 5 þar sem hún býður alla velkomna. Hennar helsta vinna er í nytjahlutum, borðbúnaði og fylgihlutum og segist hún heldur betur vera að taka U-beygju með þessari sýningu.

Sýning Sigríðar Guðmundsdóttur og Hólmfríðar Vídalín Arngríms BEGGJA MEGIN MÚLANS stendur til sunnudagsins 7.maí

www.stjarnan.net
Hofy – Art Gallery á facebook
Mjólkurbúðin Listagili er á facebook

The post BEGGJA VEGNA MÚLANS appeared first on sím.

Útspil

Örsýningar meistaranema í listfræði við Háskóla Íslands

Útspil er röð örsýninga sem stýrt er af meistaranemum í listfræði við Háskóla Íslands. Þar stíga nemendur sín fyrstu skref í sýningarstjórnun. Verkefnið er samstarf Háskóla Íslands við Listasafn Íslands, Nýlistasafnið, Hönnunarsafn Íslands og Listasafn Háskóla Íslands.

Sýningarnar fjórar, endurspegla fjölbreyttar safneignir safnanna sem og ólíkar nálganir sýningarstjórnar.

Opnun þriggja sýninga verður föstudaginn 29. apríl:

Skrælnun (Nýlistasafnið), Gefjunarteppi (Hönnunarsafn Íslands) og Myndaðu skoðun (Listasafn Háskóla Íslands).

Skrælnun

Kl. 12 – 13

Nýlistasafnið, Völvufell 13-21, 109 Reykjavík

29.04.16 – 29.06.16

Hvernig varðveitir maður hugmynd? Hvernig eiga söfn að takast á við varðveislu listaverka sem átti hugsanlega aldrei að varðveita? Hvert er framhaldslíf verka sem snúast um ferðalagið frekar en áfangastaðinn?

Verkin á sýningunni Skrælnun hafa sumhver tekið á sig nýja mynd eftir langa dvöl í geymslum safnsins og illmögulegt að sýna þau í upprunalegu samhengi sínu. Eru þetta enn sömu verk?

Sýnd verða verk úr safneign Nýlistasafnsins eftir Kristján Guðmundsson, Ástu Ólafsdóttur, Michael Gibbs og Rosen/Wojnar.

Sýningarstjórn er í höndum Ingu Bjarkar Bjarnadóttur og Birkis Karlssonar.

***

Gefjunarteppi sýnd í Hönnunarsafni Íslands

Kl. 14:00-15:00

Hönnunarsafn Íslands, Garðatorgi 1, Garðabæ.

Um er að ræða örsýningu innan sýningarinnar Geymilegir hlutir sem nú stendur yfir í safninu.

Sýning á nokkrum Gefjunarteppum úr safneign verður opnuð föstudaginn 29. apríl 2016  kl. 14.00 í Hönnunarsafni Íslands. Á sýningunni er meðal annars ullarteppi (1950) með í ofnu skjaldarmerki hins íslenska lýðveldis. Teppin eru unnin með frönsku Jacqard myndvefnaðaraðferðinni.

Örsýningin mun standa yfir í óákveðinn tíma.

Sýningarstjóri er Jófríður Benediktsdóttir mastersnemi í listfræði.

Safnið er opið alla daga nema mánudaga frá kl. 12-17.

www.honnunarsafn.is

***

Myndaðu skoðun

1. 16:00-17:00

Listasafn Háskóla Íslands, Sæmundargötu 2, 101 Reykjavík.

Listaverkaganga / umræða, hefst í Odda á 2. hæð, fyrir framan kaffistofu.

Sýningin Myndaðu skoðun fer óhefðbundnar leiðir í framsetningu á safneign Listasafns Háskóla Íslands. Markmið sýningarinnar er að vekja athygli á verkum safnsins og skapa vettvang fyrir umræðu um þau.

Myndaðu skoðun er gagnvirk listsýning þar sem notast er við samfélagsmiðla og kassamerki í stað hins hefðbundna hvíta kassa. Gestir sýningarinnar eru hvattir til þess að mynda sér skoðun á verkum safnsins og deila henni á samfélagsmiðlum hvort sem það er formi orða eða mynda.

Hugmyndin er svo að þessar skoðanir sameinist undir kassamerkinu #haskolalist. Við opnun sýningarinnar verður boðið upp á listaverkagöngu um þrjár af byggingum Háskóla Íslands.

Safnast verður saman á 2. hæð Odda, þaðan verður farið yfir í Lögberg og því næst yfir í aðalbyggingu skólans þar sem gangan endar í bókastofu byggingarinnar með léttu spjalli og veitingum.

Í göngunni munu listfræðinemarnir og sýningarstjórar sýningarinnar, Margrét Á. Jóhannsdóttir og Viktor P. Hannesson, leiða umræður um þau verk sem á vegi verða. Öll myndun skoðanna er vel þegin.

Hægt er að fylgjast með framvindu þessarar gagnvirku sýningar á Facebook, Twitter og Instagram síðum Listasafns Háskóla Íslands.

***

Camilla Patricia Reuter og Heiða Jónsdóttir eru í samstarfi við Lisasafn Íslands.

The post Útspil appeared first on sím.

Tvær myndlistarkonur sem útskrifuðust úr Myndlistardeild Listaháskóla Íslands síðastliðið vor opna myndlistarsýninguna 109 Cats in Sweaters í Ekkisens næsta föstudag kl. 20:00. Sýningin stendur opin til 7. maí.

Auður Lóa og Una sækja viðfangsefni sitt úr netheimum og fjalla meðal annars um gif hreyfimyndir, fyndna ketti og pinterest föndur á sýningunni. Hugmyndir frá internetinu eru handunnar og birtast okkur sem áþreifanlegir skúlptúrar, teikningar, hreyfilist og jafnvel matur.

Titill sýningarinnar vísar til dæmis í myndasafn af vefsíðunni buzzfeed.com sem nefnist 109 Cats in Sweaters.

Auður Lóa Guðnadóttir (f.1993) og Una Sigtryggsdóttir (f. 1990) útskrifuðust báðar frá myndlistardeild Listaháskóla Íslands síðasta vor. Þær leigja saman stúdíó í Kópavogi en ,,109 kettir í peysum” er þeirra fyrsta samvinnuverkefni. Að sýningunni koma einnig Andrea Arnarsdóttir, sem opnar sýningu í Listamannakofanum samhliða, Starkaður Sigurðarson, sem sá um textagerð og sýningarskrá, og Berglind Erna Tryggvadóttir, sem annast tilfallandi glamúrstörf.

Sýningin verður opin til 7. maí og hér má skoða nánari dagskrá:

-lau. 30. apríl: 14­:00 – 16:00
-sun. 1. maí: 14:00 – 16:00
-mán. 2. maí: 16­:00 – 18:00
-þri. 3. maí: LOKAÐ
-mið. 4. maí: 16:00 – ­18:00
-fim. 5. maí: 16:00 – 18:00
-fös. 6. maí: 20­:00 – 22:00 SMÚÐÍKVÖLD
-lau. 7. maí: LOKAHÓF

The post Internetið gert áþreifanlegt á listasýningu appeared first on sím.

Tilraunastofa: Náttúran í gegnum hönnun og stærðfræði

Á laugardaginn, 30. apríl kl. 13-14, mun Sinéad McCarron, meistaranemi í hönnun, leiða tilraunastofu fyrir alla fjölskylduna þar sem við rannsökum stærðfræði og mynstur í náttúrunni. Sinéad mun sýna okkur nýjar leiðir til að uppgötva samband stærðfræði og náttúrunnar í gegnum geometrísk form. Við munum sjá hvernig ólík fyrirbæri, svo sem tónlist og plöntur, tengjast í gegnum mynstur og getum leikið okkur að formum í sandkassa á sýningunni. Við gerum tilraunir með þrívíð form og uppgötvum nýjar leiðir til að rannsaka umhverfi okkar.

Tilraunastofan er hluti af fjölskyldustundum í menningarhúsunum í Hamraborginni. Alla laugardaga í vor er boðið upp á viðburði fyrir fjölskylduna ýmist í Gerðarsafni, Bókasafni Kópavogs, Náttúrufræðistofu Kópavogs eða í Salnum. Um er að ræða listsmiðjur, upplestur, tónleika og fleira fyrir börn og unglinga og hefjast viðburðirnir alltaf kl. 13.

The post Tilraunastofa: Náttúran í gegnum hönnun og stærðfræði appeared first on sím.

Tilkynning frá rekstarstjórn Listasafns ASÍ

Listasafn ASÍ mun hætta starfsemi sinni  að Freyjugötu 41 þann 3. október n.k. og til stendur að selja húsið. Safnið mun starfa áfram með breyttu fyrirkomulagi, án þess að reka eigið sýningarrými þar til annað verður ákveðið.  Meginástæða þessara breytinga er rekstarvandi safnsins.

f.h. rekstrarstjórnar Listasafns ASÍ

Guðrún Ágústa Guðmundsdóttir, formaður rekstarstjórnar.

The post Tilkynning frá rekstarstjórn Listasafns ASÍ appeared first on sím.

Einkennir virðingarleysið ennþá Ísland?

Yfirlýsing frá Samband íslenskra myndlistarmanna.

Þann 29. apríl sl. tilkynnti Rekstrarfélag listasafns ASÍ um fyrirhugaða sölu á Ásmundarsal, húseign safnsins að Freyjugötu og væntanlegan flutning safnsins í nýtt húsnæði.

Stjórn SÍM harmar að þessi staða sé komin upp, að hafið sé söluferli á einu sögufrægasta húsnæði íslenskrar listasögu, án þess að til samráðs við hagsmunaaðila hafi komið. Tíðindin hafa komið listasamfélaginu í opna skjöldu. Ríkjandi er tvenns konar óvissa, annars vegar um framtíð Listasafns ASÍ og sýningarmöguleika á safneigninni og hins vegar varðandi framtíðareignarhald á Ásmundarsal.

Stjórn SÍM telur brýnt að listasafn ASÍ skýri hvernig framtíðin verði á sýningum á sögufrægri safneign safnsins. Safneignin telur mörg verk eftir fremstu listamenn þjóðarinnar, svo sem Ásgrím Jónsson, Gunnlaug Scheving, Jóhannes Kjarval, Jón Stefánsson, Júlíönu Sveinsdóttur, Nínu Tryggvadóttur, Svavar Guðnason og Þorvaldi Skúlason. Safneignina hefur listasafn ASÍ eignast eftir virka söfnun, eftir stofngjöf frá Ragnari í Smára og eftir gjafir frá ýmsum myndlistarmönnum.

Stjórn SÍM telur einnig mikilvægt að framtíð Ásmundarsals verði skýrð. SÍM telur að hætta ætti við fyrirhugaða sölu á Ásmundarsal, eða að öðrum kosti tryggja að salurinn verði í eigu aðila sem munu sinna myndlist. Ásmundur Sveinsson myndhöggvari, einn af fremstu myndhöggvurum þjóðarinnar, lét reisa húsið. Húsið er sérhæft til að vinna að höggmyndalist og eitt af fáum sérhæfðum rýmum sem nýtast til að vinna að myndlist sérstaklega. Ósk Ásmundar var sú að húsið yrði nýtt eftir hans dag í þágu myndlistar. Stjórn SÍM telur að með fyrirhugaðri sölu hússins sé ósk Ásmundar Sveinsson forsómuð og minningu hans sýnt virðingarleysi.

Stjórn SÍM telur heppilegast að safnið starfi í óbreyttri mynd í húsinu við Freyjugötu, enda fara þá áfram saman hagsmunir safneignar Listasafns ASÍ og framtíð Ásmundarsals. Að öðrum kosti telur stjórn SÍM að vinna ætti að því að tryggja að sérstaða Ásmundarsals verði áfram undirstrikið og tryggð, með því að   salurinn nýtist áfram til að sinna myndlist eða myndlistartengdu starfi.

Stjórn SÍM lýsir sig reiðubúna til samstarfs við Listasafn ASÍ og viðeigandi hagsmunaaðila, svo sem mennta- og menningarmálaráðuneytið og Reykjavíkurborg, svo tryggja megi framtíðarhlutverk hússins Það er mat stjórnar SÍM að tímasetning tilkynningarinnar um sölu hússins sé afar óheppileg og hún yfirskyggi yfirstandandi hátíðarhöld ASÍ, sem nú fagnar því að  100 ár eru liðin frá stofnun þessara merku launþegasamtaka.Því vill stjórn SÍM hvetja  forsvarsmenn ASÍ til að taka undir með listamönnum um nauðsyn þess að horfið verði frá fyrirhugaðri sölu á Ásmundarsal og skoðaðir möguleikar á framtýðarnýtingu rýmisins í þágu myndlistarinnar.

Í ljósi þessa sendir Samband íslenskra myndlistarmanna frá sér meðfylgjandi áskorun:

• Samband íslenskra myndlistarmanna skorar á rekstarfélag Listasafns ASÍ og Alþýðusamband Íslands að endurskoða afstöðu sína í máli Ásmundarsals.

• Samband íslenskra myndlistarmanna skorar á mennta- og menningarmálaráðuneytið og Reykjavíkurborg að koma að málum Listasafns ASÍ og fara yfir tillögur varðandi áframhaldandi rekstur sérhæfðs sýningarrýmis í Ásmundarsal.

Fyrir hönd stjórnar SÍM

Jóna Hlíf Halldórsdóttir, formaður.

The post Yfirlýsing frá Samband íslenskra myndlistarmanna. appeared first on sím.

Kæru félagsmenn,

SÍM hefur sett af stað undirskrifasöfnun þar sem skorað er á rekstarfélag Listasafns ASÍ og Alþýðusamband Íslands að endurskoða afstöðu sína í máli Ásmundarsals. Einnig  skorar SÍM á mennta- og menningarmálaráðuneytið og Reykjavíkurborg að koma að málum Listasafns ASÍ og fara yfir tillögur varðandi áframhaldandi rekstur sérhæfðs sýningarrýmis í Ásmundarsal við Freyjugötu.

Endilega deilið á facebook og skrifið athugasemdir við undirskriftasöfnunina.

Áætlað er að afhenda Illuga Gunnlaugssyni mennta og menningarmálaráðherra, Degi B. Eggertssyni borgarstjóra Reykjarvíkur og Gylfa Arnbjörnssyni formanni ASÍ undirskriftalistann þann 9. maí næstkomandi.

Fyrir hönd stjórnar SÍM

Jóna Hlíf Halldórsdóttir, formaður.

Hér er hægt að skrifa undir

Undirskriftalisti

The post Undirskriftasöfnun vegna Ásmundarsals appeared first on sím.

The post Mireya Samper sýnir í Tokyo appeared first on sím.

Föstudaginn 6. maí, kl: 17-19, opnar MYLTING eftir Ingu Huld Tryggvadóttur.

Inga Huld hefur endurunnið ál í sínum verkum i einhvern tíma og er þetta hennar fyrsta sýning þar sem ál spilar lykilhlutverk.

Inga Huld útskrifaðist með BFA frá San Francisco State University 2005 og með MFA frá Pratt Institute 2007. Þetta er önnur einkasýning Ingu Huldar á Íslandi en auk þess hefur hún haldið tvær einkasýningar og tekið þátt í þónokkrum samsýningum í Bandaríkjunum.

Sýningin mun standa yfir til 20. maí.

The post MYLTING appeared first on sím.

Leiðsögn í Listasafni Sigurjóns Ólafssonar, sunnudaginn 8. maí, kl. 15.

GYÐJUR

Konan, eða konuímyndin, er fyrirmynd allra verkanna á sýningunni Gyðjur í Listasafni Sigurjóns Ólafssonar. Þar gefur að líta portrett eftir Sigurjón Ólafsson ásamt öðrum verkum hans höggvin í stein eða tré frá fimmtíu ára tímabili, 1930 til 1982.

Í list sinni sveiflaðist Sigurjón frá raunsæi yfir í afstrakt – og sjálfur sagðist hann ekki sjá neina mótsögn í þessum vinnubrögðum. Á sýningunni má því sjá hin fjölbreyttu efnistök listamannsins við að lýsa konunni, hvort sem um er að ræða hið rómaða portrett af móður hans, myndina af gyðjunni Pallas Aþenu eða til dæmis afstraktverk frá 1980, sem ber heitið Forsetinn.

Sýningarstjórinn, Birgitta Spur, mun leiða gesti um sýninguna næstkomandi sunnudag kl. 15.

Safnið er opið um helgar milli klukkan 14 og 17.
Kaffistofan er opin á sama tíma.

The post Leiðsögn í Listasafni Sigurjóns Ólafssonar appeared first on sím.