Í tilefni af sjö ára afmæli Mengis opnaði síðastliðinn laugardag sýningin MIRA! Sýningin er unnin uppúr sjálfsnáms-verkefni sem Orri Jónsson, ljósmyndari, og Þórdís Eyvör, framhaldsskólakennari, réðust í með fjögur börn sín í litlu fjallaþorpi í Mexíkó árið 2016. Á sýningunni er skyggnst inní hugarheim yngstu barnanna tveggja Flóka og Þorra, þá sex og átta ára gamlir, í gegnum teikningar, hljóðbúta, skissur, ljósmyndir, dagbókabrot o.fl.
Mengi er opið þriðjudaga til laugardaga frá kl 13 – 18 og stendur sýningin til 6. janúar næstkomandi.
Ljósmyndasýning Orra, OAXACA, sem nú stendur yfir á Mokka hefur einnig verið framlengd til 6. janúar. Þar getur að líta svarthvítar ljósmyndir sem Orri tók víðsvegar um Oaxaca hérað meðan á fyrrnefndri dvöl stóð. Sýningarnar eru því efnislega tengdar, og heppilega staðsettar handan við hornið frá hvor annari.
The post Sýningarnar MIRA! í Mengi & OAXACA á Mokka appeared first on sím.