Myndlist í þrívídd. Eins og hún er í dag og kannski á morgun.
Myndlistarsýningar Magnúsar Helgasonar og Ólafar Helgu Helgadóttur Shit hvað allt er gott og Hrist ryk á steini opna í Gerðarsafni miðvikudaginn 18. nóvember 2020. Að þessu sinni opnum við ekki með pompi og prakt heldur mjúklega en húsið opnar klukkan 10 eins og venja er og gestir eru velkomnir hvenær sem er.
https://gerdarsafn.kopavogur.is/syningar/fyrri-syningar/vidburdur/376/skulptur-skulptur
Um sýningaröðina Skúlptúr / Skúlptúr:
Með sýningunni Skúlptúr skúlptúr skúlptúr á Kjarvalsstöðum árið 1994 var leitast við að svara áleitnum spurningum um hvar íslensk höggmyndalist væri stödd eftir miklar sviptingar á því sviði árin áður. Sýningaröð Gerðarsafns sem með yfirskriftinni Skúlptúr / Skúlptúr vísar til þessarar tímamótasýningar reynir að velta upp þessari spurningu aftur og aftur: Hvar er íslensk höggmyndalist stödd og í hvaða átt stefnir hún?
Sýningaröð Gerðarsafns Skúlptúr / Skúlptúr heiðrar minningu Gerðar Helgadóttur, myndhöggvara og frumkvöðuls, en ferill Gerðar einkenndist af sköpunargleði og tilraunum með ólík efni og aðferðir. Listamennirnir sem nú sýna verk sín í Gerðarsafni nálgast einmitt sköpunina með framúrstefnulegri tilraunamennsku í hversdagsleg efni og óþrjótandi leik- og sköpunargleði. Þau nota ólíkan efnivið, oft á tíðum hversdagslega hluti sem settir eru í framandi og spennandi samhengi og biðla þannig til áhorfandans að slaka á rökhugsuninni og njóta áhyggjulaust.
The post Skúlptúr / Skúlptúr opnar í Gerðarsafni – Listasafni Kópavogs appeared first on sím.