| Róf: Afsteypur – gjörningadagskrá Laugardag 12. janúar kl. 17.00 á Kjarvalsstöðum |
| Á yfirlitssýningu Haraldar Jónssonar, Róf, má finna úrval verka frá öllum hans ferli síðustu þrjá áratugi. Hann hefur unnið í ólíka miðla og ómissandi hluti af verkum hans eru gjörningar. Rétt eins og í öðrum verkum fæst Haraldur í gjörningunum við eimingu tilverunnar. Hann skoðar hvernig við greinum umhverfi okkar, vinnum úr upplifun, tjáum okkur og eigum í samskiptum hvert við annað. Hver eru tengsl manns og rýmis, vitundar og umhverfis? Gjörningadagskráin Afsteypur er þríþætt þar sem hverju sinni eru fluttir valdir gjörningar af ferli listamannsins ásamt frumflutningi á nýju verki. Gjörningadagskráin hefst á Kjarvalsstöðum undir lok almenns opnunartíma safnsins 12. janúar kl. 17.00. Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur. |
The post Róf: Afsteypur – gjörningadagskrá appeared first on sím.