Hjálmar Vestergaard Guðmundsson opnaði málverkasýninguna „Éttu eða vertu étinn“ í Gallerý Port, laugardaginn 5. janúar síðastliðinn.
Hjálmar
skapar lítríkan og lífrænan myndheim með vísanir og tengingar við ýmis vísindi
og fræði, náttúruna, mannkynssöguna og listsöguleg fyrirbæri og hugmyndir.
Hjálmar hefur þróað sérstaka tækni þar sem hann beitir ýmsum efnum og aðferðum
til að hafa áhrif á ásýnd málningarinnar.
Hjálmar(f. 1989) útskrifaðist með BA-gráðu í
myndlist frá Listaháskóla Íslands árið 2016. Hann hefur tekið þátt í fjölda
listviðburða og samsýninga. „Éttu eða vertu étinn“ er hans fyrsta einkasýning
þar sem hann sýnir einungis málverk og er jafnframt hans fyrsta einkasýning
eftir útskrift.
The post Éttu eða vertu étinn appeared first on sím.