Forvalslisti dómnefndar Íslensku myndlistarverðlaunanna hefur verið gerður opinber. Á listanum eru fjórir myndlistarmenn sem dómnefnd valdi úr hópi innsendra tilnefninga. Alls bárust myndlistarráði um 70 tilnefningar. Af þeim fjölda voru 32 myndlistarmenn tilnefndir sem Myndlistarmaður ársins og 15 hlutu tilnefningu til Hvatningarverðlauna ársins.
Eftirfarandi myndlistarmenn eru á forvalslista dómnefndar:
Anna Júlía Friðbjörnsdóttir fyrir sýninguna Erindi í Hafnarborg
Egill Sæbjörnsson fyrir sýninguna Ùgh & Bõögâr Jewellery í i8 Gallery
Hulda Vilhjálmsdóttir fyrir sýninguna Valbrá í Kling og Bang
Sigurður Guðjónsson fyrir sýninguna Innljós í kapellu og líkhúsi St. Jósefsspítala í Hafnarfirði
Greint verður frá því hver af þessum fjórum verður titlaður Myndlistarmaður ársins og hver hlýtur Hvatningarverðlaun ársins á afhendingu Íslensku myndlistarverðlaunanna sem fer fram í Listasafni Reykjavíkur Hafnarhúsi, fimmtudaginn 22. febrúar kl. 19:30. Allir eru boðnir velkomnir á afhendinguna og mun mennta- og menningarmálaráðherra, Lilja Dögg Alfreðsdóttir, afhenda verðlaunin.
Í dómnefnd Íslensku myndlistarverðlaunanna 2018 sitja:
Margrét Kristín Sigurðardóttir, formaður dómnefndar (Myndlistarráð)
Sigrún Hrólfsdóttir (Listaháskóli Íslands)
Bryndís Hrönn Ragnarsdóttir (Samband íslenskra myndlistarmanna)
Magnús Gestsson (Listfræðafélag Íslands)
Margrét Elísabet Ólafsdóttir (fulltrúi safnstjóra íslenskra safna)
The post Fjórir myndlistarmenn á forvalslista Íslensku myndlistarverðlaunanna appeared first on sím.