Leiðsögn safnstjóra
Laugardag 12. nóvember kl. 14 á Kjarvalsstöðum
Ólöf Kristín Sigurðardóttir, safnstjóri Listasafns Reykjavíkur, segir frá sýningunni Kjarval – úr safneign á Kjarvalsstöðum.
Á sýningunni gefst gott tækifæri til að kynnast mörgum lykilverkum frá ferli listamannsins og fá innsýn í þau meginstef sem voru uppistaðan í lífsverki hans. Annars vegar landið í öllum sínum fjölbreytileika og hins vegar það líf og þær táknmyndir sem Kjarval skynjaði í landinu, það sem hugurinn nemur ekki síður en það sem augað sér.
Aðgöngumiði á safnið gildir. Menningarkortshafar geta boðið með sér gesti á öll aðildarsöfn kortsins í nóvember.
The post Leiðsögn safnstjóra, laugardag 12. nóvember á Kjarvalsstöðum appeared first on sím.