Völur og villiblóm
Fimmtudaginn 7. maí verður opnuð sýning á verkum Aðalheiðar Valgeirsdóttur í Kirsuberjatrénu Vesturgötu 4. Á sýningunni sem nefnist „Völur og villiblóm“ eru olíumálverk og röð blýantsteikninga þar sem viðfangsefnið er skipulögð óreiða vorsins í garðinum heima. Garðurinn er vettvangur umbreytinga þegar lífríkið vaknar til lífsins eftir vetrardvalann, fræin í moldinni rumska og teygja anga sína móti sólarljósinu.
Sýningin verður opin á opnunartíma Kirsuberjatrésins mánudaga til föstudaga kl. 12-18 og 12-17 á laugardögum. Aðalheiður verður á staðnum á opnunardaginn kl. 15 -18. Sýningin stendur til 20. maí.
Fylgt verður tilmælum Almannavarna og gætt að því að virða tveggja metra regluna.
The post Aðalheiður Valgeirsdóttir sýnir í Kirsuberjatrénu 7.-20. maí 2020 appeared first on sím.