Sýning Eyglóar Harðardóttur og Gerd Tinglum í 1.h.v. er í opin dag fimmtudaginn 27. 9. milli kl. 16 – 18.
Sýningin verður opin á fimmtudögum milli kl. 16 – 18 og eftir samkomulagi út október, sími 8239273.
1.h.v. Lönguhlíð 19, 105 Reykjavík.
Eygló Harðardóttir sýnir þrjú samsett verk sem heita “Pappírs grímur” “Viðar gríma” og “Gler gríma”. Þetta eru ýmis afbrigði af grímum gerð úr við, álpappír, gleri, þráðum, sandpappír og pappír.
Gerd Tinglum sýnir 11 málverk sem heita “Dwarfs Queen” það er röð málverka sem samanstanda af sömu litum en þeir eru bornir á málverkin í mismunandi röð.
Annað verk hennar á sýningunni er ullar og silki ábreiða sem sýnir nýlega aðflutta plöntu Senecio viscosus / Sticky Ragwort.
Í tilefni sýningarinnar er útgefið bókverk sem Gerd og Eygló hafa unnið saman.
Titill bókverksins sem er “Red Walks and Green Talks” lýsir vinnulagi þeirra við gerð þessarar sýningar.
Samstarfið Red Walks and Green Talks hófst 2017 og var fram haldið gegnum bréfskriftir og tölvupósta sem gengu á milli þeirra, fram og tilbaka, og samtengdu hugleiðingar um list og vinnu á vinnustofu. Samtalið gaf þeim þannig bæði innsýn í vinnu þeirra beggja og tengdi vinnustofur þeirra, ólíkt því sem er að vinna einar hvor í sínu lagi.
Verk Eyglóar í bókinni ber nafnið “Grímur”. Í vinnuferli þess er efnið unnið í gegnum ólíka þætti stafrænnar vinnu sem og í handunnu ferli, þar sem tíminn og vinnuferlið setja mark sitt á verkið.
Gerd vinnur með aðfluttar plöntur sem borist hafa til Íslands. Nöfn plantnanna eru þýdd frá íslensku yfir á ensku með aðstoð almennra þýðingarforrita.
Bókverk Gerd og Eyglóar “Red Talks Green Walks” er fimmta útgáfa 1.h.v. sýningarrýmisins.
The post Sýning Eyglóar Harðardóttur og Gerd Tinglum í 1.h.v. appeared first on sím.