Listvísi – Málgagn um myndlist auglýsir eftir texta-, HLJÓÐ- og myndverkum myndlistarmanna fyrir útgáfu á 7. tbl af Listvísi sem kemur út á þessu ári.
Í þessu blaði + geisladiski verður lögð sérstök áheyrsla á hljóðheim myndlistarinnar og því hvetjum við fólk til þess að senda inn þess lags verk ( hámark 15 mínútur ) – einnig er í boði að senda verk sem passar við lýsinguna hér að neðan;
Með tímaritinu viljum við taka listumfjöllunina í okkar eigin hendur, þó fremur með sjónrænum hætti frekar en rituðu orði. Markmiðið er að skapa listræna umfjöllun um list. Við horfum á tímarítið sem sýningarrými og reynum að miðla og gefa sem flestum miðlum rödd innan þess.
Því hvetjum við listamenn til þess að velta fyrir sér möguleikunum á hvernig hinir margvíslegu miðlar myndlistar gætu notið sín í tímaritaformi. (Textaverk, gjörningar, málverk, myndbandsverk, hljóðverk, skúlptúr, teikning o.s.frv.) Einnig bendum við á að þetta rit er ekki ætlað sem katalógur, heldur sem skapandi vettvangur. Tímaritinu er sýningastýrt í þeim skilningi að unnið er með sjónrænt efni og það valið saman af sambærilegri sýn og maður myndi gera sem sýningarstjóri, þannig reynum við að líta á tímaritið sem sýningarrými fremur en annað.
Efnið á fyrst og fremst að skila sér sem framsetning á þeim tíðaranda sem á sér stað í kringum hverja útgáfu blaðsins og er í senn óumflýjanlega skrásetning og heimild um þroska og þróun myndlistar á Íslandi.
***
Tíminn rennur út 15. óktóber
Ef einhverjar spurningar vakna, ekki hika við að hafa samband
The post Listvísi – 7.tbl / óskar eftir verkum appeared first on sím.