Fimmtudag 17. nóvember kl. 18 í Hafnarhúsi
Fee Quay fræðir gesti um verk írska listamannsins Richard Mosse og segir frá tilurð þess. Verkið var frumsýnt á Feneyjatvíæringnum árið 2013.
Hólmlendan er fjörutíu mínútna löng kvikmynd sýnd á sex risaskjám í stórum sal. Í hliðarsal eru að auki nokkrar stórar ljósmyndir. Myndirnar eru allar teknar í austurhluta Kongó. Þær eru magnþrungnar og óraunverulegar, en notast er við sérstaka linsu sem framleidd var í hernaðarskyni og breytir grænum litum í bleika. Þótt milljónir manna hafi verið myrtar í austur Kongó á síðustu árum hefur alþjóðasamfélagið veitt þeim litla athygli. Þessi ósýnileiki er upphafspunkturinn í verkum Mosse.
Aðgöngumiði á safnið gildir. Frítt fyrir handhafa Menningarkorts Reykjavíkur og árskorts Listasafns Reykjavíkur.
The post Leiðsögn sýningarstjóra um sýninguna Hólmlendan appeared first on sím.